Home Notisia PM Taur: Ami Boot Sira Mak Koalia, Buka Solusaun, Kiik Nafatin Hakmatek

PM Taur: Ami Boot Sira Mak Koalia, Buka Solusaun, Kiik Nafatin Hakmatek

376
0
Premeiru Ministru VIII Governo, Taur Matan Ruak (Foto: Shanti LDA)

Reportajen Santina LDA

Relasiona ho krize politika ne’ebe mak agora dadaun lao hela iha ita nia rai, Primeiru Ministry , husu kiik sira hakmatek husik ema boot sira buka solusaun.

“Tensaun politika, hau nia apelu ba populasaun, ne’e mak sira lembra de’it hau nia liafuan famozu kuandu hau sei Prezidente  Republika, hau ba Suku sira koalia,  boot sira hemu tua, ki’ik sira labele lanu. Ami boot sira mak koalia iha ne’e, buka solusaun, ki’ik ne’e  nafatin hakmatek, halo serbisu baibain, lalika preokupa. Timor tenki ba oin, laiha ema ida iha intensaun sobu ita nia rai. Se sira hanoin ida ne’e, sira sei iha problema ho ita Timor, povu Timor, tanba ita lakohi, it hakarak ita nia rai ne’e ba oin,” hateten Primeiru Ministru Taur Matan Ruak ba jornalista sira hafoin enkontru ho Prezidente Republika, iha Palasiu Prezidensia, Aitarak-Laran, 18/5.

Taur matan Ruak, hatutan, Ita hotu esforsu, hahu husi Prezidente Republika ba to’o iha ita nia oan sira ki’ik, hotu-hotu nia hanoin, problema ne’ebe iha ita tenki hakat liu problema sira ne’e, para hetan solusaun ba dezenvolvimentu nasaun nian.

“Ita iha problema rua mak ita tenki tau atensaun maka’as, ida mak moras COVID-19 ne’e, ida seluk mak oinsa mak atu rekopera ita nia ekonomia, osan ba bolsu trabalhador sira laiha, ba familia sira laiha, sasan folin laiha, ida ne’e mak probelema boot,” Dehan Taur.

LEAVE A REPLY

Please enter your comment!
Please enter your name here