Home Justisa Esbosu Lei Kriminaliza Defamasaun, Alberico: Sei Hatauk Jornalista Hodi Halo Investigasaun

Esbosu Lei Kriminaliza Defamasaun, Alberico: Sei Hatauk Jornalista Hodi Halo Investigasaun

212
0
AJTL halokonferensia imprensa. [Foto: Francisco JDA | 16.06.2020]

Reportazen Francisco JDA

Projetu Lei Kriminalizasaun Defemasaun ne’ebe nia esbosu prepara hela hosi Ministeriu Justisa (MJ), Asosiasaun Jornalista Timor Lorosa’e (AJTL) hatudu nia pozisaun katak lei sei hamate Liberdade espresa no imprensa.

Liu hosi konferensia imprensa, Secretario Jerál AJTL, Alberico Junior hateten AJTL rasik lakohi ka rejeita esbosu Lei ne’e atu ba oin, tanba sei hatauk jornalista no sosiedade sivil, atu halo kritika ba polítika sira no sei hamosu sensura.

“Jornalista sira sei halo auto sensura ba nia an rasik, se bainhira aktivista ou Jornalista tama Prizaun, katak halo jornalista sira tauk, atu halo investigasaun ba kazu ruma relasaun ho korupsaun”, hateten Alberico Junior iha sede Fatuhada, 16/06.

Alberico hateten kazu insultu ka maltrata iha media sosial ida ne’e, relasaun ho ormal entaun  ita responde ho etika.

“Defamasaun ne’e iha kodigu Civil, esforsu ne’e mai kedas iha 2003 no 2004 bainhira iha kampanha Lei Defamasaun, momentu ne’e Presidente da Repúblika Xanana Gusmao no Ramos Horta, dehan katak ida ne’e la di’ak ba prosesu harii demokrasia, entaun muda artigu ne’e ba kodigo Civil. Ida ne’e impedimemtu prosesu harii democrasia iha pais nee”,  tenik Secretario Jerál AJTL Alberico Junior.

Iha Fatin Hanesan Presidente AJTL mós Imforma katak tuir referensia hosi  Jornalista sira iha  Nasaun barak hanesan Indonézia, Laos, Filipina, Malasya no Vietnam, jornalista barak mak sai vitima ba Lei Kriminaliza defamasaun, jornalista barak tama komarka, tanba sira nia artigu ka reportazen investigativu ne’ebe sira publika.  

LEAVE A REPLY

Please enter your comment!
Please enter your name here