Reportazen Santina Lucia da Costa
Espoza Prezidente Republika, Cidalia Nobre L. M. Guterres lansa programa “TATOLI BA CIDALIA”, ne’ebe koopera hamutuk ho Plan Internasional Timor-Leste, progarama ne’e nu’udar dalan ida atu rona no hatene, fo biban ba labarik feto sira atu hato’o sira nia lian.
“Programa advokasia ida lori hau nia naran nu’udar Embaixadora ba programa Plan Internasional ninian mak hanesan “TATOLI BA CIDALIA” programa ne’e hau rasik mak hili, hau rasik mak hakarak nu’udar dalan ida atu rona no hatene. Ho nune’e hodi fo apoiu liu tan ba feto, labarik feto no jovens iha ita nia rain Timor-Leste”, hateten Espoza Prezidente Republika, Cidalia Nobre L. M. Guterres, liuhusi diskursu iha Hotel Novu Turizmu, Lecidere, Dili, loron, 8/10.
Espoza Prezidente Republika hanesan mos Embaixadora ba programa Plan Internasional hatutan ho espektativa atu trava feto drop out ka hasai husi eskola, kaben sedu no isin rua sedu no atu hapara violensia no diskriminasaun hotu hasoru labarik feto no labarik mane no empodera labarik feto no labarik mane atu iha reziliensia.
Embaixadora ba programa Plan Internasional, Cidalia Nobre L. M. Guterres dehan relasiona ho asuntu ne’e, ita observa iha ita nia sosiedade, kazu barak mosu laos fenomena foun, soe bebe, jovens idade nurak tara-an/oho-an no aktus krimi sira seluk.
“Hau husu ba hau nia-an, saida mak akontese iha sosiedade ida ne’e? Ba hau razaun primeiru laiha meius ba ema, inan-aman ka oan feto sira ne’ebe presija ita nia tulun atu koalia sai sira nia problema ne’ebe sira hasoru. Sira atu koalia ba se? atu kesar ba se? sira sente laiha kbiit no lahatene dalan legais”, dehan Cidalia.
Cidalia haktuir razaun balun mos ne’ebe akompanha katak, violasaun no violensia mosu, tanba oknum la arquidu sira nia hanoin katak labarik no feto ne’e ema kiik no laiha lian no forsa, entaun sira halo asaun inmoral, ho hanoin katak hau ema boot, hau forte, hau iha poder ka forsa no razaun seluk tan.
Ho nune’e Embaixadora ba Plan Internasional husu ba ita boot sira hotu atu ajuda programa ida ne’e, liuhusi fo apoiu liutan atu haluan programa “Tatoli ba Cidalia” mak hanesan organizasaun CARE Internasional bele fahe informasaun ba publika liuhusi revista LAFAEK fo solusaun hamutuk hodi sensitiza komunidade atu labele repete aktus negativu sira ne’e liu husi mensajen no karikatura animasaun ne’ebe edukativus, fasil atu komprende. Nia husu mos meius seluk inklui serbisu hamutuk ho media hanesan televizaun, jornal, organizasaun sosiedade sivil hanesan, Fokupers, FCJ, ALFELA no Rede Feto, atu akompanha koalia iha publiku no nuka justisa hodi fo dalan los ba ema sira ne’ebe mak merese hetan ju