Home EduTek Kompania Silvia Dili Manan Tender Hosi MEJD Hodi Print Pontu Exame Nasional

Kompania Silvia Dili Manan Tender Hosi MEJD Hodi Print Pontu Exame Nasional

1361
0
MEJD ho Kompania Silvia Dili asina kontratu. [Foto: David da Costa | 09.10.2020]

Reportazen David da Costa Gusmao

Ministeru Edukasaun, Juventude no Desportu (MEJD) ho kompania Silvia Dili asina kontratu hodi print  pontu exame nasionál bá Tinan 2020 nian.

Ministeru Edukasaun Juventude e Desportu Liu husi  Diretor Nasionál Aprovisionamentu (DNP), Pascoal Couto hateten, iha kompaña sira iha Dili laran hotu hato’o sira nia proposta maibe iha kompaniaa balun deit maka passa.

“Ita halo prosesu ne’e tanba haree tempu ne’ebe limitadu, ami eskolla modalidade konkursu eskritu, ami konvida kompania grafiku sira iha Dili laran hotu, atu sira hato’o sira nia proposta, entaun iha dia 17 Outubru sira hato’o  sira nia proposta,  iha kompania 3 mak ami halo selesaun, maibe iha kompania Silvia Dili mak  manan tender ida ne’e”, informa Diretor Nasionál Aprovisionamentu iha MEJD Vila Verde, Tersa-Feira 09/10.

Nia dehan antes ne’e  MEJD identifika ona rekursu no iha mos centru imprensaun, maibe pontu exame nasionál iha kuantidade ne’ebe boot no centro imprensaun mos iha limitasaun bá tekniku sira, tanba tekniku ne’ebe MEJD iha  ne’e  husi Korea, ho situasaun moras COVID-19 sira fila hotu ona bá sira nia  rain,  entaun centro imprensaun labele fasilita hodi print pontu exame nasionál.

Orsamentu ba kontratu ho kompania Silvia Dili hamutuk $385 mill no elabora bá pontu exame nasionál durante semana tolu.

Iha fatin hanesan Manager Kompania Silvia Dili, Moises Amaral agrades tebes ba MEJD tanba fo ona fiar ba sira ba daruak hodi print pontu exame nasional.

“Tinan 2015 ami mak print pontu exame nasionál, ohin loron ami hetan tan fiar husi MEJD no ami prontu atu serbisu tuir kriteria ne’ebe MEJD fó mai ami”, tenik Manager Silvia.

Nia dehan atu print pontu elaborasaun ba exame nasionál  sei hahu aban no akompanha mos husi Ministeru Edukasaun Juventude no Desportu.

Print Friendly, PDF & Email

LEAVE A REPLY

Please enter your comment!
Please enter your name here