Home EduTek Estudante EEB, EESG no EETV Total 55.072 Sei Tuir Exame Nasional no...

Estudante EEB, EESG no EETV Total 55.072 Sei Tuir Exame Nasional no Lokal

259
0
Estudante sira sei tuir exame nasional no lokal. [Foto: Copyright FB Janu Freitas | 10.10.2020]

Reportazen David da Costa Gusmao

Ministeru Edukasaun Juventude no Despportu (MEJD) liu husi nia Diresaun Unidade Krikulu Nasionál (DUKN) rekolla ona dadus estudante husi eskola Ensinu basiku (EEB),  Eskola Ensinu Sekundariu Geral (EESG) no Eskola Ensinu Tekniku Vocasionál (EETV) hamutuk 55.072, ne’ebe sei partisipa iha exame nasionál, hahu hosi loron 18 Novembru no kontinua exame lokál iha loron 21 Novembru.

Koordenador da Unidade do Kurikulu Nasionál (KUKN), Pedro Ribeiro Gonçalves hateten husi unidade kurikulu nasionál iha Ministeru Edukasaun Juventude e Deaportu (MEJD), elabora ona maktris ba professor sira hodi bele hanorin bá estudante sira.

“Ami durante ne’e halo hela elaborasaun de maktris no maktris sira ne’e ami fó hotu ona bá professor sira, atu bele faselita sira nia prosesu ensinu aprendijazen, i mos elabora hela pontu de exame nasionál hodi halo imprensaun ka print, ne’ebe halo kontratu ho kompania Silvia”, dehan Pedro bá jornalista iha MEJD, Sexta-Feira 09/10.

Nia subliña tan elaborasaun maktris ho elabora pontu exame ne’e diferente,  tanba elaborasaun maktris ne’e bá professor sira, hodi bele fasilita sira iha prosesu ensinu aprendijazen no elaborasaun pontu ne’e bá exame nasionál nian.

Nia explika tan pontu exame nasionál ne’e sei distribui bá eskola sira iha dia 13 Novembru. Tuir kalendaru ne’ebe halo ona, iha despaisa ministeriál katak iha loron 18 Novembru hahu exame nasionál no kontinua exame lokál iha dia 21 Novembru.

“Ita iha ona dadus husi Unidade Kurikular Nasioanál (UKN), ita konsege junta ona estudante ne’ebe rezistadu, atu tuir exame nasionál hamutuk 55.072 alunos, ne’ebe  mak iha ona manual exame nasionais”, informa Pedro.

Estudante sira ne’ebe sei tuir  exame nasionál hosi ensinu baziku hamutuk 30.359 alunos, Ensinu Sekundariu Jeral hamutuk 20.145 alunus no eskola sekundaria tekniku vocasioál hamutuk 4.568 alunos

Print Friendly, PDF & Email

LEAVE A REPLY

Please enter your comment!
Please enter your name here