Home Notisia Oxfam no CGT-TL Relata Sei Mosu Disigualdade Iha OJE, Sabino: OJE 2021...

Oxfam no CGT-TL Relata Sei Mosu Disigualdade Iha OJE, Sabino: OJE 2021 Tenke Ho Inkluzaun

694
0
Oxfam ho Corp Group Transparancy Timor Leste (CGT-TL). [Foto: Francisco JDA | 12.05.2020]

Reportazen Francisco JDA

Oxfam ho Corp Group Transparency Timor Leste (CGT-TL) relata konaba Timor-Leste nia despeza publiku tama iha nivel datoluk, kraik liu iha mundiál ba Orsamentu Jerál Estadu (OJE) 2021 nudar oportunidade atu hadia.

Tuir Research Policy Analysis, Oxfam Ines Martins ba jornalista sira hateten, area edukasaun despeza OJE 2019 mak 7,7%, ne’e porsentu ne’ebe kiik liu hosi nasaun hotu, iha rejiaun Asia Leste pasifiku dala rua, menus liu hosi media, rejiaun ne’ebe 15,8% no menus dala haat hosi nivel global, nune’e mos menus dala 5 hosi rekomendasaun despeza edukasaun ne’ebe mak 20%, maske despeza ba edukasaun menus los, sei bele hare progresu iha area balun inskrisaun sekundária mak sae hosi 46.4% iha 2003 to’o 76.8% iha 2015, maibé iha disigualdade entre rural no urbanu ba alfabetizasaun,  iha area rural 45.9% mak iha alfabetizasaun no 83.2% iha area urbanu.

“Interligadu katak laos investimentu ne’e ba infraestrutura deit, maibé tenki iha sistema mos ne’ebe mak ita presiza hadia entermos de profesores sira, oinsá atu fo kapasitasaun ba sira, atu fo edukasaun ne’ebe mak diak liu tan, rekursu humanu no infraestrutura sai importante fundamenta tebes no mos matéria sira ne’ebe sai dezafiu ba estudantes sira no parte integradu 15%,  ne’e atu hare parte hotu laos ba ida deit”, hateten Research Policy Analysis Oxfam, Ines Martins iha sede Oxfam Hudi Laran, 12/10.

Iha fatin hanesan, Koordenador CGT-TL, Sabino Fitun ba jornalista sira hateten CGT iha fulan hirak liu ba, halao hela aproximasaun ho ministériu relevantes sira hanesan edukasaun, saúde no Ministériu Justica oinsá sira bele tau orsamentu  iha tinan 2021 nian ho inkluzaun, nune’e bele tau ba ema ho difisensia sira no bele asesivel ba ema ho difisensia sira.

“Hau hanoin kampanha ida ne’e interesante tebes, ami mos sei halo kampanha ho meius oioin no luta hela ba ministériu sira, oinsá tau osan ba maluk difisentes sira”,  hateten Koordenador CGT-TL Sabino Fitun.

Dadus hosi Oxfam no CGT hatudu katak Timor-Leste halo investimentu signifikativu iha seitor protesaun social pensaun kuaze kobre 90%, besik enjeral media iha reijiun asia no pasifiku ne’ebe iha 45.6%, alende ne’e 21% hosi ema ho difisensia, hetan protesaun kompara ho media reijiaun asia pasifiku ne’ebe iha 9% deit, maibé rekonnese 21% deit, seidauk sufsiente no iha bareira barak ba ema ho difisensia, atu asesu ba pensaun no atendimentu Timor-Leste nia OJE despeza 9.7 % mak boot liu kompara ho nasaun sira ho rendimentu Timor-Leste.

Ho nune’e Oxfam no CGT-TL sujere ba governu, atu prioritiza no luta kontra desigualdade liu hosi investimentu iha despeza social, iha OJE 2021 ba protesaun sosial nia distribuisaun, tenki iguál ba ema hotu liu-liu ema ho vuneravel sira.

Print Friendly, PDF & Email

LEAVE A REPLY

Please enter your comment!
Please enter your name here