Home Notisia OJE Annual Despeza ba Saude Kiik Liu Iha Rejiaun, Gasta Deit 4,5%...

OJE Annual Despeza ba Saude Kiik Liu Iha Rejiaun, Gasta Deit 4,5% Iha 2019

378
0
Research and Policy Analyst Oxfam, Ines Martins. [Foto: Francisco JDA | 12.10.2020]

Reportazen Francisco JDA

Relasiona ho Orsamentu Jeral Estadu ne’ebe kada tinan governu propoin ba Parlamentu Nasional hodi hetan aprovasaun, liu hosi konferensia imprensa ne’ebe organiza hosi Oxfam no Corp Group Transaparancy (CGT-TL), relata sira nia relatoriu konaba peskiza ne’ebe mak sira halo.

Liu hosi konferensia imprensa Oxfam ho CGT-TL hatoo relatoriu komitmentu redusaun desigualdade indise 2020 (Commitment to reducing Inequality Index- CRII) ne’ebe foin publika husi Oxfam no Development Finance International, hatudu Timor-Leste tama klasifikasaun 124 iha okos hosi nasaun 158. Signifika Timor-Leste frajil ba indikator barak, ne’ebe sukat komitmentu atu hamenus  disigualdade entre ema riku no kiak iha area despeza públiku, taxa no polítika trabalahdor sira.

Tuir Research and Policy Analyst Oxfam, Ines Martins ba jornalista sira hateten, parte ne’ebe preokupa liu indise ne’e katak, governu Timor-Leste nia total orsamentu 2019 investe deit 22% ba area servisu públiku hanesan edukasaun, saúde no protesaun sosial kompara ho nasaun seluk ne’e kiik los. Timor-Leste mak nasaun iha nivel datoluk kraik liu, hosi nasaun hotu ba despeza públiku iha 156 hosi nasaun 158.

“Ba area saúde orsamentu estadu, governu Timor-Leste gasta apenas 4,5% ba saúde iha tinan 2019, kuaze menus 3 vezes duke nasaun sira iha reijiaun asia leste no pasifiku, ne’ebe iha nia gasta media apenas 11,4% no kuaze quatru vezes menus hosi abuja deklarasaun ne’ebe rekomenda, presiza gasta orsamentu jerál estadu annual 15% Timor-Leste nia persentajen, despeza ba saúde mak kiik liu iha reijiaun, iha global tama iha nivel dahitu ne’ebe tun liu. Iha tinan 2005 governu Timor-Leste nia despeza iha 10.5% ba saúde, maibé ne’e tun kedas ba 4,5% iha 2019, estudus hatudu despeza saúde Timor-Leste mak fo prioridade liu ba ema riku, duke ema kiak tanba ema kiak susar atu asesu atendimentu saúde sekundáriu iha hospital nasionál no nia municipal nia bareira fízika”, hateten Ines Martins iha sede Oxfam, Hudi Laran, 12/10.

Ines Martins dehan iha parte internationál ba abuza rekomendasaun ne’e, bainhira iha 2015 nasaun sira ne’ebe kiik liu katak, sira halo konferénsia ida ho Word Health Organization (WHO) mai ho komitmentu ida no husu ba nasaun sira ne’ebe kiak liu, atu governu sira investe sira nia OJE anualmente ba iha 15%, ba iha komitmentu hadia saúde nian no edukasaun presiza 16%,  tanba internasionál mos husu 16% ate 20% ba iha edukasaun no bele foti médiu nune’e bele hadia duni edukasaun.

Ho nunee Oxfam iha Timor-Leste no Core Group Transparency sujere ba governu atu prioritiza hodi luta kontra dezigualdade liu hosi investimentu iha despeza sosial iha OJE 2021, aumentu orsamentu ba saúde 15%, atu melhora kondisaun investimentu iha sentru saúde komunitáriu, atu asesu no hafasil asesu povu kiak sira no protesaun sosial nia distribuisaun tenki egual ba ema hotu liuliu ema vulneravel sira.

Print Friendly, PDF & Email

LEAVE A REPLY

Please enter your comment!
Please enter your name here