Home EduTek Eskola Hotu Sei Hahu Fila Fali Iha Loron 18 Janeiru

Eskola Hotu Sei Hahu Fila Fali Iha Loron 18 Janeiru

15496
0
MEJD, Dr. Armindo Maia. [Foto: Copyright Media MEJD | 22.09.2020]

Reportazen Francisco JDA

Ministeriu Edukasaun Juventude no Desportu (MEJD), Armindo Maia informa hafoin remata enkontru iha Konsellu Ministro ba jornalista sira informa katak, kalendario eskolar assina tiha ona, loron 13 Janeiru nudar inisiu anu letivu, signifika profesores sira sei tama fali eskola hanesan bainbain hodi limpeza, forma meja no kadeira ba distansiamentu sosial no loron 18 Janeiru prosesu ensinu aprendizajen la’o fila fali

MEJD dehan sei lori maskara no hand sanitizer ba eskola sira ne’ebé besik linha fronteira no Rejiaun Administrativu Espesial Oekusse-Ambeno (RAEOA) atu fasilita estudante sira hodi halo prosesu aprendizajen, tanba MEJD iha maskara no hand sanitizer ne’ebé hetan apoiu hosi parseiru desenvolvimentu sira, embaixada no inklui komunidade salesiano.

“Sirkular ida sai iha loron 5 ne’e katak atividade bele la’o fila fali, maibé tenki kumpre rekezitus minimu distansimentu sosial, ha’u ho ministra saúde assina tiha ona diploma Ministerial konjuntu, segunda feira bele públika ona iha jornál Repúblika ne’ebé sei regula detalladamente”, hateten Ministru Armindo iha palacio governu 08/01.

Konaba distribuisaun fasilidade ba prevensan COVID-19, MEJD sei fahe hanesan ba eskola publiku no privadu, no regula ona iha diploma ministerial.

Print Friendly, PDF & Email

LEAVE A REPLY

Please enter your comment!
Please enter your name here