Home Saude Media nia Papel Importante Halo Advokasia Konaba Vasina COVID-19

Media nia Papel Importante Halo Advokasia Konaba Vasina COVID-19

118
0
Koordenador Jerál COVID-19, Odete da Silva Viegas. [Foto: David da Costa | 21.02.2021]

Reportazen David da Costa Gusmao

Ministeiru Saude (MS) serbisu hamutuk ho World Health Organization WHO Timor-Leste no UNICEF, halo advokasia ba media sira kona-ba vasina COVID-19.

Koordenador Jerál COVID-19, Odete da Silva Viegas hateten media nia papel ne’e importante tebes, atu kontribui ba iha serbisu saude nian ho parseiru sira halo ho prestasaun ne’ebe diak ba komunidade.

“COVID-19 mosu iha tinan 2020, ita halo kedas advokasia ba ita boot sira, tanba ne’e mak sempre hateten ita boot sira nia papel ne’e importante, atu bele kontribui ba serbisu saude nian ho parseiru sira halo ho prestrasaun ne’ebe diak ba ita nia komunidade”, dehan Odete iha Palacio da Cinzas Kaikoli, 19/02.

Nia salienta serbisu ne’e laos fasil, maibe susesu ne’ebe Timor-Leste atinzi ona ne’e ita hotu nian, to’o ohin loron Timor-Leste seidauk rezista kazu ne’ebe grave no laiha kazu ne’ebe mate, siginifika katak susesu ida ba Timor-Leste maske iha limitasaun de rekursu ne’ebe barak, maibe konsege ultrapasa situasaun ida ne’e no nasaun seluk la konsege hanesan Timor halo.

Nia haktuir tan atu sebvisu ne’ebe mak diak liu, Ministeiru Saude ho parseiru sira deit sei la halo buat ida, maibe ho media sira hotu serbisu ne’e bele lao diak.

“Atu bele konvense ita nia komunidade, ita nia familia, ita nia viziñu, imi nia papel ne’e importante, Tanba ami mesak labele halo, parseiru sira mesak labele halo, media papel importante tebes, sei imi mak fo informasaun sala, ita hotu nia serbisu sala hotu”, nia explika

Nia dehan se media mak fo sai informasaun ne’ebe diak, rumoris ne’ebe la los, “ita hotu hamutuk halo los, ida ne’e susesu boot ba ita nia servisu”.

Print Friendly, PDF & Email

LEAVE A REPLY

Please enter your comment!
Please enter your name here