By Francisco JDA
Governo Timor-Leste liu hosi enkontru Conselho de Ministrus, (CdM), ohin (15/03), desidi extende serka sanitaria iha Munisipiu Dili to’o 2 Abril no mos extende serka sanitaria iha Munisipiu Baucau ho Viqueque to’o 29 Marsu..
“Governo desidi tiha ona atu mantein no kontinua halo serka sanitaria no konfinamentu obrigatoriu iha Munisipiu Dili to’o loron 2 Abril 2021,” Ministru Presidensia Konselu Ministru nian, Fidelis Magalhaes hatete iha konferensia imprensa, ohin (15/03), iha Ministeriu Finansas, Dili.
“Sidadaun sira bele sai ba halao deit atividade esensial sira. Regras jeral nian mak sidadaun hotu-hotu tenke hela iha uma”, Fidelis aumenta.
Detailus kona ba serka sanitaria nian sei publika tuir mai iha infografis no media sira. Regars, dokumentu legal sira no administrative sira sei produs tuir mai.