Home Saude Ema Balun Tuda Ambulansia Iha Lurumata, Bainhira Atu Tula Pasiente COVID-19

Ema Balun Tuda Ambulansia Iha Lurumata, Bainhira Atu Tula Pasiente COVID-19

909
0
ekipa saude iha Lurumata. [Foto: Copyright SosMed | 14.03.2021]

Reportazen Zevonia Vieira

Ema balun iha Lurumata tuda kareta ekipa saude nian, bainhira ekipa saude ba tula pasiente pozivitu COVID-19 hodi lori ba sala izolamentu Vera Cruz.

Relasiona ho akontesementu ne’e Neon Metin halo konfirmasaun via telefone iha loron 14/03 ho Segundu Komandante Operasaun Ba Estadu Maior iha Sala Situasaun- Centro Integradu Jestaun Krize (CIJK), Superintendenti Marcos Sequera hodi konfirma akontesemente refere.

Ba Neon Metin Superintendenti Marcos Sequera hateten akontesementu ne’e akontese mais menus iha oras tuku 08:00 kalan loron 14/03, bainhira Neon Metin konfirma, ema ne’ebe tuda kareta ne’e la simu atu tula pasiente ka iha razaun seluk? Ba Neon Metin Komandante hatan katak sira ne’ebe konfirmadu COVID-19 hakarak karantina deit iha uma no lakohi lori ba sala izolamentu, maibe ekipa saude presiza tula ba sira sala izolamentu tanba bele hamosu risku boot sira no ema seluk.

Maibe Komandante ne’e katak akontesementu ne’e rezolvidu no ekipa saude konsege tula pasiente hirak ne’e ba sala izolamentu.

Nia informa katak situasaun iha bairo-bairo lao diak no polisia kontinua halo operasaun hodi kontrola situasaun iha Dili laran durante Serka Sanitaria.

To’o nutisia ne’e Neon Metin hasae, sedauk halo konfirmasaun ho parte ekipa saude nian konaba ema nain hira mak konfirmadu pozitivu COVID-19, ne’ebe ohin ekipa saude ba tula iha area Loo Mata nian.

Print Friendly, PDF & Email

LEAVE A REPLY

Please enter your comment!
Please enter your name here