Reportazen Francisco JDA
Ohin Aviaun Qantas Airline ohin to’o iha Aero Porto Prezidente Nicolau Lobato, Timor-Leste tula pasajeiro nain 20 resin inklui trabalhador timoroan nain 7 hosi Australia.
Tuir Adidu Trabalhador Austrália, Tomas Guterres ba jornalista sira hateten katak, ohin trabalhodr nain 7 mak fila mai Timor tanba kontratu remata no balun problema familia, tanba ne’e sira husu autorizasaun hosi empregador hodi fila mai Timor.
“Sira na’in 7 ne’ebe tuir programa Sesional Worker Program (SWP) nune’e sira na’in hitu ne’e sei hein instrusaun hosi ekipa saúde, atu ba kuarentena obrigatoriu nune’e kustu ba Kuarentena mós responsavel hosi Ministeriu Saúde nian,” hateten Adidu Tomas Guterres iha aero portu internasionál Nicolau Lobato Comoro, 24/03
Tomas Guterres reforsa tan, sira nain 7 ba Australia iha tinan 2019, nune’e balun kontratu kleur ona maibé empregador mak extende tan sira nia kontratu hodi halo serbisu, tanba ho situasaun COVID-19 balun presiza osan entaun empregador husu kontinua serbisu