Reportazen Zevonia Vieira
Ministeriu Saude (MS) deteta tan kazu konfirmadu foun COVID-19 hamutuk 37, iha Dili 36 no Covalima nain 1.
Liu hosi komunikadu imprensa ne’ebe relata hosi Centro Integradu Jestaun Krize (CIJK) relata katak evolusaun surtu COVID-19 iha Municipio Dili, deteta kazu foun 36, nune’e kazu pozitivu iha Dili hosi loron 7 Marsu to’o 3 Abril hamuutk 563.
Nune’e iha Dili iha cluster foun 5 no cluster 1 deklara inativu, ohin mosu fali. Total iha cluster 56 maka sei nafatin hatudu atividade hada’et-tutan virus SARS-CoV-2, husi ema ida ba ema seluk, liu-liu iha Suku Madohi, Bebobuk, Fatuhada, Comoro, Bairro Pité, Vila Verde, Motael, Kulu-Hun, Lahane Oriental, Becora.
Iha Covalima deteta kazu pozitivu ida, kazu pozitivu ida ne’e halo viajen husi Dili iha loron 2 Abril 2021. Iha Dili hela iha Fatuhada.
Nune’e dadus jeral ba loron 3 Abril kazu foun total 37, kazu rekuperadu 51 no kazu ativu 447. Hosi total kazu foun ohin mane 25, feto 12. Sintomátiku nain 4 no asintomátiku nain 33. Ema ne’ebe tuir teste PCR hamutuk 217, inklui 10 testes ba ema ne’ebé halo pedidu, atu hetan autorizasaun esepsionál hodi sai husi serka sanitária iha Munisipiu Dili.
