Home Saude Surtu COVID-19 Iha Dili Aumenta Bebeik, Ema Barak Mak La Hatudu Sintomas

Surtu COVID-19 Iha Dili Aumenta Bebeik, Ema Barak Mak La Hatudu Sintomas

323
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Numeru konfirmadu pozitivu COVID-19 iha Timor, liu-liu iha capital Dili kontinua sae aas kada loron no fo risku boot ba ema sira ne’ebe fraku. Liu hosi komunikadu imprensa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araujo deklara katak surtu ida ninia evolusaun, no mós surtu ne’e aumenta ka diminui, indikador ida ne’ebé matenek-nain epidemiolojia nian uza, maka prevalénsia.

Dr. Rui hateten konvensionalmente prevalénsia sukat persentajen ema ne’ebé detetadu hetan moras ida iha populasaun nia le’et, iha periodu tempu ne’ebé determinadu. Nune’e, ekipa konjunta saúde buka determina prevalénsia ema ne’ebé detetadu COVID-19 iha Munisipiu Dili, no hatudu rezultadu entre loron 2 Abril ho 15 Abril mak prevalénsia 3,5% (264 pozitivus husi 7564 pesoas ne’ebé halo teste rastreiu aleatóriu no rastreiu atu halo viajen sai husi serka sanitaria Munisipiu Dili).

 Entre 16 Abril ho 22 Abril 2021 (semana 1) Prevalénsia 7.3% (425 pozitivus husi 5799 pesoas ne’ebé halo teste rastreiu aleatóriu & rastreiu atu halo viajen sai husi serka sanitaria Munisipiu Dili).

“Aumenta prevalensia iha semana ida ikus, kompara ho semana rua liu ba hatudu katak, surtu iha municipio Dili aumenta bebeik no hatudu katak ema barak liu tan ona mak infetadu. Hare mos ba faktu katak maioria hosi ema ne’ebe detetadu pozitivu mak la hatudu sintomas, katak ema ne’ebe rasik la hatene katak nia moras hela, signifika SARS-CoV-2 daet makaas ba mai iha populasaun Dili nia leet”, dehan Dr. Rui, 23/04.

Ohin loron kazu foun COVID-19 total 82 no kazu ativu sae ba 925 no ema hamutuk 950 mak halo testes PCR.

Print Friendly, PDF & Email

LEAVE A REPLY

Please enter your comment!
Please enter your name here