Home Saude Ema Ho Difisiensia Total 50 Serbisu Iha Frontline Simu Ona AstraZeneca

Ema Ho Difisiensia Total 50 Serbisu Iha Frontline Simu Ona AstraZeneca

479
0
Ema ho disiensia sira simu vasina COVID-19. [Foto: Bernarda da Costa | 24.04.2021]

Reportazen Bernarda da Costa

Ema ho defisiensia ne’ebe serbisu iha linha frenti hamutuk 50 simu ona vasina AstraZeneca, hodi preve- an husi COVID-19.

Assosiasaun Defisiensia Timor-Leste ADTL, Cesario da Silva hateten ohin loron defisiensia ne’ebe serbisu iha frontline simu vasina AstraZeneca atu asegura an husi COVID-19, ema sira ne’e konsidera hanesan linha frenti ne’ebe halo movimentu iha organizasaun defisiensia sira iha Timor laran atu hetan uluk vasina.

“Ami prefere liu ami nia ekipa ne’ebe mak iha linha frenti atu simu vasina ne’e, ema ne’ebe mak ohin loron atu simu vasina ne’en konsidera hanesan frontline hamutuk ema 50 husi, numeru ne’e feto hamutuk 20 no mane 30,” dehan Diretor ADTL ba jornalsita sira iha Maskarinhas, 24/04.

Nia hatutan ekipa hirak ne’e konsidera hanesan linha frenti tamba sira ne’e dadauk halo hela atividade atendimentu ba ema ho defisiensia no hasoru direitamente ema ho defisiensia sira iha terenu, nun’e bele apoiu intervensaun emerjensia iha situasaun COVID-19 no sira mos halo sosializasaun.

“Iha vasina ne’e am sei koordena nafatin ho Ministeriu Saude atu halo tan vasina tuir mai, tanba organizasaun ema ho defisiensia hanesan organizasaun ne’ebe serbisu hodi tau matan ba ema ho defisiensia hamutuk organizasaun 22, tanba sei iha tan ema ho defisiensia lubuk ida no konsidera sira hanesan mos linha frenti,” informa Diretor ADTL.

Antes atu simu vasina rona uluk esplikasaun husi parte saude nian, katak reasaun sei mosu iha loron 2 ka loron 3 nia laran, no reasaun ne’e mosu bazeia ba ema ida-idak nia isin diferente, entaun husi situasaun ne’e maluk sira ne’ebe mak ohin simu vasina intende diak .

Iha fatin hanesan Diretor Ezekutivu ONG East Timor Blind Union (ETBU), Umbelino Desterro Cruz da Costa hateten hanesan sidadaun timoroan wainhira iha ligasaun ho saude, kumpri tebes regra sira husi saude nian, liu-liu konaba vasina ne’e rasik tamba dalan seluk atu proteze an rasik husi ita nia imunidade, tenke liu husi vasina.

“Antes atu mai vasina, hau rona informasaun negativu nian husi vasina ne’e dehan vasina estraga ita, vasina sei halo ita stroke no vasina ne’e la fo vantagen diak ba ita, maibe hanesan sidadaun ne’ebe akompania iha media sira katak prosesu sira ne’e hotu iha parte pozitivu nian mos barak, entaun hau deside hau nia an hodi mai vasina hodi salva an husi moras COVID-19 ne’e,” haktuir Diretor Ezekutivu ETBU.

Print Friendly, PDF & Email

LEAVE A REPLY

Please enter your comment!
Please enter your name here