Reportajen Zevonia Vieira
Liu hosi mesjaem ofisial ba loron restaurasaun independensia 20 de Maiu ba dala 19, Prezidente Republika, Dr. Francisco Guterres Lu Olo hateten iha tinan oin mai ita sei iha eleisaun Prezidensiál. Ho situasaun pandemia COVID-19, ita sei hasoru dezafius barak hodi prepara eleisaun Prezidensial ida ne’ebé livre no justa.
“Ha’u husu ba governu, STAE, CNE no instituisaun relevante sira hodi hahú preparasaun iha tempu badak. Ita hotu nia kompromisu no empeñu mak sei garante prosesu eleisaun ida ho partisipasaun másima husi sidadaun votante sira hotu, ho dalan seguru”, dehan Xefe Estadu
Iha parte seluk UNDP hamutuk ho Ministeriu Estatal no Administrasaun, STAE no Comisaun Nasional Eleisaun (CNE) lansa ona programa Covid Resilient Elections in Timor-Leste (CORE-TL), hodi implementa eleisaun iha situasaun COVID ho diak no kontinua prevene nia eleitores hosi virus SARS-CoV-2