Home Feature COVID-19, La Hamate Tomas nia Espiritu Faan Pentolan, Nune’e Bele Selu Kost

COVID-19, La Hamate Tomas nia Espiritu Faan Pentolan, Nune’e Bele Selu Kost

341
0
Tomas Elu dudu hela nia gerobak pentolan iha Liceu. [Foto: Joselina | 22.05.2021]

Reportajen Joselina dos Santos, Joanina Casemiro

“Loron Loron ha’u fa’an ne’e kada kain ida $0.25, no iha sana laran fa’an hotu loron ida ami bele hetan $70.00. Pentolan ne’e ha’u fa’an durante ha’u hakat ain husi Oe-cusse tanba haree ba inan aman nia kondisaun ne’ebe la sufisiente, entaun ha’u deside sai husi eskola hodi buka osan, atu selu kost no balun ha’u haruka ba inan aman iha foho“. Tomas

Dook husi inan aman, hakat tasi ho ro mai Dili, ho hanoin ida deit, bele hatutan nia moris iha Dili, nune’e bele hakmaan nia nesesidade uma laran nian. Serbisu ne’ebe halo maske hasoru obstaklu barak, maibe importante la tane liman ba ema seluk.

Tomas Elu idade 17, mai hosi rai enklave Oe-cusse desidi mai fila liman iha Dili, hodi hetan netik dollar ida, liu hosi faan hahan ne’ebe dalabarak labarik no estudante sira gosta ho konnesidu pentolan.

Tomas dudu nia gerobak duduk haka tba Liceu UNTL, iha fatin hanesan Neon Metin komesa dadalia ho nia, ho knaar ne’ebe nia halo, liu-liu iha situasuan surtu COVID-19, karik nia mos sente impaktu ne’e ba nia moris?

Ba Neon Metin Tomas hateten maske iha situasaun COVID no iha mos Konfinamentu Obrigatoriu no Serka Sanitaria maibe hau tenke faan pentolan, nune’e bele selu kost fulan ida $40.00

“Maske iha Serka Sanitaria no Konfinamentu Obrigatoriu nia laran, ha’u tenki obriga-an fa’an Pentolan para hetan netik osan, atu nune’e selu ba ema nia kost no mos ba nesesidade uma laran, se ha’u la fa’an no kumpri regulantu loron kalan iha uma de’it, se mak atu selu fali uma kost  ne’ebé mak ami hela ba ne’e,” dehan Tomas ba Neon Metin iha Kampu Liceu nia oin Kuarta 19/05.

Tomas sai hosi uma oras tuku 12:00 to’o oras tuku 19:00 kalan, nia lao hosi Kaikoli ba to’o Bidau. Pentolan ne’ebe nia faan laos ninian rasik, maibe nia serbisu fali ba ema seluk, nune’e kada fulan simu nia osan $150

“Loron Loron ha’u fa’an ne’e kada kain ida $0.25, no iha sana laran fa’an hotu loron ida ami bele hetan $70.00. Pentolan ne’e ha’u fa’an durante ha’u hakat ain husi Oe-cusse tanba haree ba inan aman nia kondisaun ne’ebe la sufisiente, entaun ha’u deside sai husi eskola hodi buka osan, atu selu kost no balun ha’u haruka ba inan aman iha foho,” tenik nia.

Ne’e duni, iha Serka Sanitaria nia laran ne’e Tomas esforsu makaas, hodi hetan osan tanba sekarik la selu kost, uma nain bele duni sai ami husi kost, “durante ami fa’an ne’e Polisia balun siak balun lae, sira dehan de’it bele fa’an maibe tenki kumpri regra uza maskra”.

“Hau mai husi familia moris nudar agrikultor, tanba ne’e ha’u tenki uza maneira oinsa mak bele buka osan, tanba ne’e hau deside fa’an pentolan hodi buka moris, atu ajuda netik  inan aman sira  durante hau sei moris iha mundu ne’e”, dehan Tomas ho responsabilidade boot ne’ebe nia tula hela iha nia kabaas.

Print Friendly, PDF & Email

LEAVE A REPLY

Please enter your comment!
Please enter your name here