Reportajen Joselina dos Santos
Sekretáriu Estadu Protesaun Sivil (SPES) hamutuk ho Ajensia Australia Humanitarian Partnership (AHP) fo apoiu sasan (non food item) ba uma kain 60 iha centro evakuasaun 04 Setembru .
Diretór Nasionál de Jestaun de Risco de Dezastre SEPS, Agustino Cosme Belo, hamutuk ho Protesaun Sivil liu husi konsórsiu AHP, hodi fó apoiu humanitaria Non Food Item, ba uma kain 60 afetadu iha Centru Evakuasaun 04 Setembro Aldeia 01, Suku Maskarinhas, Postu-Administrativu Vera-Cruz Munisipiu Dili.
Diretór Agustino haktuir objetivu hosi sorumutu iha centru apoiamentu ba maluk sira ne’ebé mak afetadu husi dezastre naturais ne’ebe mak akontese iha loron 04 Abril liu ba. Iha Centru Evakuasaun Eskola 04 Setembru, oihn hamutuk 60 familias, no ema hamutuk 339 mak ohin fila ba sira nia hela fatin
“Ofisiálmente ita taka Centru Evakuasaun ida ne’e, maibé ami nafatin fo apoiu ba familia hamutuk 60 hanesan ai-han instant no Lona,” dehan Diretór Agostino Cosme Belo ba jornalista sira iha 04 Setembru 26/05.
Nia mos informa katak AHP mos halo ona apoiu humanitarian ai-han instant iha suku Camea, ba uma ema hamutuk 338, no halao mos iha sentru evakuasaun iha Eskola 05 de Outubru Comoro
Bainhira akontesement inundasaun iha fulan kotuk liubá, centru evakuasaun iha Dili hamutuk 53, no ohin loron hela deit 11 ne’ebe mak komunidade sira sei hela ba. Familia ne’ebe mak simu on apoiu humanitarian hahu loron 4 Abril to’o ohin loron iha nivel nasional hamutuk 55% no 45% mak sei iha planu atu apoiu humanitariu
Konaba munisípiu sira seluk, parte protesaun sivíl hein koordenasaun husi parseiru sira, tanba apoiu humanitaria realoka ona ba arjamen iha munisípiu idak-idak
Iha fatin hanesan komunidade Floriana D. Dorego sente kontente tanba hetan apoiu ai-han no lona ba sira, maske la barak maibé bele responnde sira nia nesesidade uma laran.
“Ami hakarak fila fali ba ami nia hela fatin anteior maibé susar tanba bee-moos laiha, tanba dezastre naturais ne’ebé akontese iha loron 4 Abril, rai monu taka hotu Bee entaun susar ami atu asesu ba bee-moos, tanba ne’e ami sei mantein nafatin iha fatin Centru Evakuasaun 04 Setembru, sira hadi’a tiha mak foin ami fila ba ami nia horik fatin,” dehan Floriana.
