Reportajen David da Costa Gusmao
Liu hosi komunikadu imprensa husi Sala Situasaun Sentru Integradu Jestaun Krize ( SS-CIJK) relata ba ohin loron katak, ohin rejista ema nain 4 grave iha izolamemtu Vera Cruz, nain ida uza BiPAP1, 3 uza oksijéniu
Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr Rui Maria de Araujo informa iha loron 7 Juñu tinan ne’e, izolamentu Vera Cruz halo tratamentu ba kazu detetadu nain 28. Iha area obstetrísia na’in 6, iha medisina interna na’in 21, neonatologia 1.
“Hosi sira nain 6 iha obstetrisia, kategoria leve (mild) hotu. sira na’in 21 iha medisina interna, na’in 4 grave, 1 uza BiPAP1, 3 uza oksijéniu ho NRM – Non-rebreather mask), nain 12 moderadu, nain 5 leve (mild),” nia esplika liu husi komunikadu imprensa ne’ebé Neon Metin asesu iha loron 07/06.
Nia haktuir nain ida iha neonatologia, kategoria leve, foin moris hosi inan pozitivu ida no teste Polymerase Chain Reaction (PCR) hatudu katak bebe ne’ e mós pozitivu hotu.
Entertantu dadus Jeral COVID-19 iha Timor-Leste ohin nian kazu foun hamutuk 24 hosi Dili 20 no Munisipiu 4, no kazu Ativu hamutuk 2,232 Kazu rekoperadu hamutuk 194 no total kazu konfirmadu kumulativu hahu sura hosi 21 Marsu 2020 to’o mai iha loron 7 Juñu tinan ne’e hamutuk 7,764.