Reportajen Santina Lucia da Costa
Konsellu Imprensa (CI) ho United Nations Development Program (UNDP), ne’ebe foka ba dezenvolve matadalan ba jornalista sira konaba Violensia Bazeia ba Jeneru (VBJ) ho objetivu jornalista sira kontribui ba inisiativa atu elimina violénsia kontra feto no labarik feto sira iha sosiedade Timor-Leste.
Tuir Prezidente Konsellu Imprensa (CI), Virgílio da Silva Guterres hateten Kooperasaun ho UNDP laos foin ne’e, dezde inisiu kedas Konsellu Imprensa moris mai kooperasaun la’o tiha ona iha aspetu balun, liuliu iha formasaun ninian no iha produsaun polítika balun.
“Hanesan iha tinan kotuk hamutuk ho UNDP, ami produz manual ida ba jornalista sira oinsá halo kobertura iha pandemia nia laran, agora dadaun koopersaun iha projetu ne’e, importante teb-tebes tanba foka ba asuntu social konaba violasaun hasoru feto”, hateten, Prezidente Konsellu Imprensa, Virgilio da Silva Guterres ba Jornalista sira iha salaun konferensia KI, Quintal-Boot, loron 21/06.
Prezidente Konsellu Imprensa haktuir Konsellu Imprensa bele produz manual ida bele fo jornalista sira hanesan referénsia ida bainhira sira halo kobertura kona-ba asuntu feto, liuliu bainhira feto sira sai hanesan objetu violensia no mos sai violensia ba labarik.
Virgilio hatutan tanba ita hotu hatene katak, ita nia sosiedade iha kobertura media feto sira nia reprezentasaun iha media ne’e barak liu maka relasiona ho asuntu sira ne’ebe negativu, kuandu sira hetan violénsia, sira involve iha krime, ida ne’e mak sai notísia, maibé sira kuandu halo buat di’ak, buat importante, buat susesu, ajuda sosiedade ne’e ladún sai.
Iha fatin hanesan Reprezentativu UNDP, Lazima Onta-Bhatta hateten Fundus ne’ebé fó apoiu ba produsaun manual ho total $15 mill, no apoiu ne’e mai husi Uniaun
“Fundus apoiu $15 mil ne’ebe fo apoiu mai husi European liu husi UNDP nia programa ne’ebe foka liu ba iha elabora matadalan no halo relatoriu oinsa jornalista lori relatoriu ba ligasaun ho kazu violensia domestika no violensia ne’ebe hasoru feto no labarik feto sira iha Timor-Leste, oinsa jornalista sira bele relata kona-ba problema hirak sira ne’e.” informa Lazima Onta-Bhatta.
Lazima Onta-Bhatta dehan, liu husi kooperasaun hamutuk ho Konsellu Imprensa ne’e atu atinji no hadia entermus relatoriu ne’ebe halo no oinsa mak bele fo treinamentu ba treinador sira ba iha jornalista atu nune’e bele habelar no atinji metas ne’ebe ke iha.