Reportajen Santina Lucia da Costa
Ministru Administrasaun Estatál (MAE), Miguel Pereira de Carvalho hateten prosesu Resenseamentu Eleitorál no Atualizasaun Baze Dadus (RE-ABD) diaspora ohin loron rejistu ona por volta 7.000 mill eleitór iha diaspora.
Ministru Administrasaun Estatal (MAE), Miguel Pereira de Carvalho informa ida ne’e hafoin enkontru ho Prezidente Repúblika Dr. Francisco Guterres Lu Olo kona-ba preparativus eleisaun Prezidensiál iha tinan 2022, Segunda-feira ne’e.
“Resenseamentu diaspora STAE, CNE, Ministériu Justisa, Ministériu Negósiu Estranjeiru no Kooperasaun (MNEK), halo esforsu hamutuk para ba rejista eleitór sira, tan ne’e eleitor ohin loron dadus sei muda, prosesu sei la’o hela, ohin loron ita rejista ona por volta 7.000 mill eleitór iha diaspora, ne’e iha Australia, Korea do Sul, Irlandia do Norte, Portugal no Englatera.”informa, MAE, Miguel Pereira de Carvalho iha Palasiu Prezidensial Nicolau Lobato, Bairo-Pite, 13/12.
Miguel hatutan maibé Australia de’it maka ekipa STAE no Ministériu relevantes sira seidauk to’o iha ne’eba, tanba sira restusõens oioin, maibé Korea do Sul, Irlandia do Norte, Portugal no Inglaterra, ekipa STAE to’o ona iha ne’eba halo utilizasaun bazé dadus no halo resenseamentu eleitorál.
“Preparativus resenseamentu eleitorál la’o di’ak, preparativus ami la’o hela para eleisaun mós halo hotu iha nasaun sira ne’e.” tenik, Miguel Pereira.
Governante ne’e dehan, Sentru votasaun iha fatin sira ne’e monta iha Portugal sentru votasaun iha Lisboa ho Porto, Australia iha Darwin, Korea do Sul 1, Inglaterra mak sentru votasaun tolu hanesan Oxford, London, no sentru Inglaterra.