Home Notisia Governu Prepara Ona Rai 15 Hektares Iha Metinaru Hodi Konstrui Semitériu

Governu Prepara Ona Rai 15 Hektares Iha Metinaru Hodi Konstrui Semitériu

602
0
Ministru Administrasaun Estatál (MAE), Miguel Pereira de Carvalho. [Foto: Santy | 13.12.2021]

Reportajen Santina Lusia da Costa

Ministru Administrasaun Estatál (MAE), Miguel Pereira de Carvalho hateten semiteriu Bekusi la kleur tan nakonu ona, no governu prepara ona rai iha Metinaru por volta 15 hektares atu konstrui  semitériu iha Metinaru.

Ministru Administrasaun Estatal (MAE) Miguel Pereira de Carvalho informa asuntu ne’e, hafoin enkontru ho Prezidente Republika Dr. Francisco Guterres Lu Olo, kona-ba Preparasaun eleisaun iha tinan 2022, Segunda feira.

“Semitériu hakoi mate sira iha Dili ne’e agora preparadu ona iha Metinaru, wainhira iha Bekusi  nakonu, ema ne’ebé mate iha Dili ne’e sei hakohi hotu iha Metinaro, fatin ne’ebé maka governu prepara ona para atu hakohi mate iha ne’eba. Semitériu Bekusi la kleur tan nakonu ona,” Hateten Miguel Pereira de Carvalho iha Palasiu Prezidensial Nicolau Lobato, Bairu-Pite, 13/12.

Miguel hatutan estimasaun hosi Autoridade Munisípiu Dili nian até fulan ida ne’e semitériu Bekusi sei nakonu, bele akontese to’o fulan Janeiro, maibé Munisipiu Dili iha ona kontratu Koveiru sira, atu hahú ona halo konstrusaun ba semiteriu Metinaru para bele fasilita sidadaun sira ne’ebé mak mate iha Munisipiu Dili hodi ba hakoi iha Metinaru.

Nia dehan rai iha Metinaru por volta 15 hektares, fó tempu natoon ba Autoridade Munisípiu Dili no fó ba Ministériu Administrasaun Estatál (MAE) para define polítika regras no dekretu lei sira para bele fó solusaun kestaun sira.

Print Friendly, PDF & Email

LEAVE A REPLY

Please enter your comment!
Please enter your name here