Reportajen Umbelina dos Reis
Sekretáriu Estadu Formasaun Profisionál no Empregu (SEFOPE), Alarico Do Rosario ho Diretór ekipa SEFOPE asina deklarasaun ba traballadór Timor oan nain 26, sei arranka ba Australia iha tempu badak hodi halao serbisu.
Iha ambitu asina deklarasaun ho traballadór timoroan hirak ne’e Sekretáriu Estadu Formasaun Profisionál no Empregu (SEFOPE), Alarico Do Rosario hateten wainhira hala’o knaar iha fatin destinadu refere tenki tuir regulamentu sira nune’e la bele mosu desentendimentu iha knaar fatin.
“Hameno ba sira katak se ba hadomi ita nia rai doben Timor, no familia sira karik ba labele halai tun sae, ba hetan problema iha di’ak no aat mos, di’ak ne’e mak hetan osan, nia aat mak sira labele hetan nia familia” dehan Alarico iha fatin salaun DNEE Becora 14/02
Nia afirma SEFOPE Traballadór sira ne’ebe mak prepara an atu ba servisu iha austrália ne’e, traballadór tuan sira ne’e mak durante ne’e iha covid-19 nia laran sira la ba , agora mak kompaña foin bolu fila fali sira atu ba servisu fali.
Entretantu liu husi asina deklarasaun ne’e sai hanesan evidénsia ida nune’e labele prejudika ba traballador sira.
“Traballadór nia servisu ka tempu mak muda oi-tuan tamba uluk fulan 6, agora fulan 9, liu-liu sira ne’ebe mak bainrua atu ba ona Autrália tenké asina akordu hamutuk ho SEFOPE, ligasaun ho programa ne’ebe mak ba labele hases husi ilegal” nia relata.
Total traballadór hamutuk 26, feto na’in 5 mane 21, sira nia kompaña bolu sira atu ba servisu hanesan fali bai-bain, traballadór sira sei aranka iha tempu badak nia laran, sira hanesan iha sejenal worker.
Iha okaziaun ne’e Reprezentante traballadór Timor, Cirilo Guilermino soares sublina orgullu ho programa governu nian liu husi Sekretariadu SEFOPE nia hodi haruka Timor sira hodi servisu ih nasaun estranjeiru nune’e bele hamenus numeru dezempregu iha rai doben iha ne’e.
Traballadór Timor oan ne’e sei hala’o servisu ho di’ak iha Australia, hodi bele responde nesesidade loro-loron nian no haree ba familia.
“Hau pesoalmente orgullu tamba sekretariadu estadu no diretor mos mai asiste iha ne’e, hau servisu iha autrália ne’eba tinan ida ho balun tia ona, agora ne’e atu ba dala rua nian, ami ba servisu iha autrália fila mai nia rezultadu halo uma hare oan sira nia eskola no hare familia” Haktuir Cirilo
Traballador hirak ne’e husik Timor iha loron 16 Fevereiru, total traballadór hamutuk 26, feto na’in 5 mane 21, kompañia bolu sira atu ba servisu hanesan fali bai-bain hanesan iha seasonal worker.