Reportajen Francisco Colo
Reformadu Jeneral, Lere Anan Timur nia portavós Flavio Simoes kontratuál povu Timor-Leste ne’ebé partisipa iha eleisaun prezidensiál, hodi ezerse direitu vota ho sívika no kondusiva, no agradese ba parte hotu liuliu CNE ho STAE.
“ha’u enome de equipa enome sr. general lere rasik nia hakarak fo agradese ba esforsu ba apoiu hotu ne’ebé ke sr. lere nia apoiantes simpatizantes sira pratikamente mai husi povu tomak mai husi elementus maluk veteranus sira mai husi organizsaun da massa sira resistensia sira, mai husi maluk juvenile sira, mai husi veterana, mai hsui oan kiak barak, mai husi patriota iha timor laran tomak no ema babain sira liuliu aileba sira, ain tanan sira vendedores ne’ebé apoiu sinseru ba prosesu hotu, ne’ebé ke equipa hetan.” Dehan portavos lere iha konferensia imprensa iha sede nasional pantai kelapa Dili.22/03.
Nia hatutan Lere iha nia kandidatura ne’e iha tempu ne’ebé kurtu tebes pratikamente ho rekursu ne’ebé ke makina ne’ebé ke ami presisa hari’i husi base mak sae maibé apoiu ne’ebé ami simu boot tebes kuandu sr. general ho equipa agradese tebes ba apoiu tomak.
“Ha’u hakarak kongratula STAE ho CNE mesmo ke hasoru desafius barak konsege organiza ona eleisaun presidensiál ne’ebé diak geralmente diak ba ita hotu no hakarak agradese mos ba autoridade sira ba esforsu tebes tebes forsas defesa seguransa timor leste ninian liuliu iha ne’e FDTL PNTL sira hotu ne’ebé ke apoia ita nia autoridade sira para atu bele asegura ho diak ho ohin loron,” informa portavos lere iha konferensia imprensa iha sede nasional pantai kelapa Dili.22/03.
Liu husi konferénsia imprensa ekipa susesu Lere Anan Timur fo parabens ba kandidatu hotu ne’ebé partisipa iha pratika demokrátika ida ne’e, kongratula sira hotu laos sai kandidatu maibe kontribui mos ba prosesu demokrátiku rai laran.
“Ha’u hanoin importante atu fo tan parabens ba povu timor leste ita hotu nia kontribuisaun mesmo ke ita ba tan segundu ronde iha primeira ronde ne’e ita mantein ho situasaun ne’ebé kalma situasaun ne’ebé sivika situasaun ne’ebe kondusiva ba ita hotu atu bele ba vota atu bele ezerse ita nia direitu siviku. No mós ami lahaluha ami nia parabens ba kandidatu nain rua Dr. Jose Ramos Horta no dr. Francisco guterres lu-olo.” Akresenta Flavio