Reportajen Francisco Colo
Reformadu Jeneral Lere Anan Timur, nia porta-voz, Flavio Simoes klarifika relasiona ho rumoris konaba Lere taka odamatan ba Dr. Mari Alkatiri bainhira nia vizita, ne’e la los ka laos kondisaun real, maibe reformadu Lere sai tiha ba hare nia toos iha Metinaru, no mós iha razaun seluk vizita Mari Alkatiri laiha karta ofisial ida ba parte ekipa Lere nian halo komunikasaun ho loloos.
“Hau hakarak halo klarifikasaun deit kona ba sirkunstansia kona ba vizita kortejia ida surpreza ida husi Dr. Mari iha Lere ninian uma iha Farol, mesmu depois sai tiha konfuzaun balun ba públiku, hatete katak reformadu Lere taka odamatan, no lakohi simu ne’e la’os kondisaun real.”dehan Flavio Simoes iha konferensia imprensa iha sede nasional pantai kelapa Dili 22/03
Nia konta tuir saida mak akontese horisehik nia hadeer tanba iha atividade kampaña ne’e han tebes nia tempu barak, nune’e nia ba hare nia toos iha Metinaru, portantu nia aproveita nia tempu horseik ne’e hadeer sedu ba Metinaru ba halo toos silu batar. Iha oras tuku 5 dadeer nia ba ona, pois se la sala pur volta oras tuku 7:00 dader Dr. Mari ba halo vizita to’o iha ne’eba.
“Infelizmente Lere laiha fatin labele hasoru Dr. Mari la’os dehan taka odamatan, husu deskulpa ba fotografia ne’ebé ke espalla iha públiku ne’e liutiha, ami nia kontrolu hakarak husu deskulpa ba ida ne’e”, dehan Flavio
Nia hatutan infelizmente laiha komunikasaun ofisial ida, husi ekipa Lu Olo ou partidu, hodi nune’e bele halo komunikasaun ofisial, tanba formadu Lere Anan Timur mos hakark simu ho loloos. Nune’e ekipa susesu ne’e ho hanoin katak espera iha futuru la akontese tan hanesan ne’e no, hamosu fali rumoris iha media sosial
