Reportajen Umbelina dos Reis
Xefe suku Laisorulai de Baixo, Julio Farkhus Pinto informa komunidade postu administrativu Quelicai, iha área unidade 6, munisípiu Baucau seidauk asesu bee moos iha tempu bai-loron.
Líder lokal ne’e hatete, postu administrativu Quelicai, munisípiu Baucau, liu-liu iha unidade 6 ne’e, sedauk asesu ba bee moos. Komunidade lubuk ida mak sedauk asesu ba bee moos tanba, liu husi programa PNDS implementa fundus ki’ik liu, ne’e mak difikulta hodi dada bee ne’ebé bele sustenta iha tempu udan.
“Iha tempu udan bee barak, maibé tempu bailoro komunidade difikulta tebes ba bee moos tanba bee matan ne’ebé mak ita identifika ne’e la’os postu ho suku refere ni-nian, tanba kanaliza bee moos ne’e iha fali postu ho suku seluk, ida ne’e mak difikulta teb-tebes ba komunidade sira” dehan Farkhus ba Neon metin.
Tanba ne’e mak líder Laisorulai husu ba prezidente BTL.EP, karik atu kanaliza no halo survey ba bee matan karik, halo kordenasaun hamutuk ho ami autoridade lokal sira para identifika loloos bee matan ne’ebé mak fo benefísiu ba populasaun sira.
Nia mos hatete katak ezijénsia ne’ebé mak komunidade sira iha área rurais ezije mak estrada, bee moos no saneamentu, eletrisidade, saúde, edukasaun. ‘Ida ne’e mak sira difísil atu responde ne’e signifika la iha konsiderasaun no la iha responsalidade ba povu nia nesesidade,” dehan líder Laisorulai de Baixo Julio Farkhus.