Reportajen Joanina Casemiro
Komisaun Nasionál Eleisaun (CNE), verifika votus nulu hamutuk 5000, no konsege elabora 1.200 válidu iha eleisaun Prezidensiál Segunda volta, no sei submete ba Tribunal Rekursu hodi fo sai rezultadu finál ba Públiku.
Prezidente Komisaun Nasionál Eleisaun (CNE), Jose A. Belo hateten hafoin remata apuramentu nasional depois STAE sei submete rezultadu apuramentu munisipál nian husi rai laran no rai liur, liu-liu ba votus reklamadu ho votus nulu.
“Ohin iha tempu 72 oras ami konklui ona rezultadu tomak, ita sei fo tempu 24 oras ba kandidatu nain 2, karik iha kestaun ka rekursu ruma ne’ebé iha ita sei fo responde ba ida ne’e”, Dehan Jose A. Belo ba Jornalista sira iha Salaun CNE Kolmera, 24/04.
Nia dehan verifika ne’e liu-liu kona-ba votus nulu nian, husi 5000 kuaze sira konsege halo kontajen verifikasaun hamutuk 1.200 mak sai validu, portantu entre kandidatu na’in 2 ne’e, kandidatu numeru 1 mak hetan 800 resin, no kandidatu numeru 2 hetan 400 resin.
“Ita tenke hadi’a be-beik para aban bairua eleitór sira, bele responsabilidade sira nia vota ho kalma, vota la’o tuir prosesu atu nune’e bele diminui votu nulu”, dehan Prezidente CNE