Reportajen Umbelina dos Reis
Prezidente Konsellu Imprensa (KI), Timor-Leste, Virgilio da Silva Guteres hahú ohin loron 25 Abril, hahu fila fali kna’ar iha Konsellu Imprensa
Hafoin Konferénsia Imprensa Prezidente Interinu KI, Espedito Dias hateten, ema hotu akompaña durante fulan tolu nia laran, nia hanesan Prezidente interenu hamutuk ho Konselleiru nain tolu, atu akompaña Virgilio Guteres tuir konkorrénsia eleisaun prezidensial, despensasi ne’ebe Konsellu Imprensa fo ba Virgilio Guterres durante fulan tolu, ohin 25 Abril, Virgilio hala’o fali kna’ar hanesan Prezidente Konsellu Imprensa.
“Hau entrega fila fali kargu, no hala’o kna’ar hanesan bai-bain, ita hotu akompaña iha eleisaun prezidensial primeira volta no segundu volta, ita hotu servisu hamutuk ho di’ak, aproveita oportunidade ida ne’e hau agradese ba jornalista sira husi media hotu-hotu,” Dehan Presidente interenu Espedito Dias ba jornalista sira iha salaun KI Kintal boot, Segunda, (25/04).
Nia dehan maski iha pontu balu nota katak Konsellu Imprensa durante Eleisaun Prezidensial KI sei iha ekipa monitorizasaun avaliasaun no análize, ba produtu jornalista nian, durante iha eleisaun prezidensial nia laran, KI agradese durante fulan tolu nia laran, jornalista hala’o nia kna’ar la’o ho di’ak, hatudu duni imparsialidade no neutralidade iha atividade jornalista durante eleisaun presidensial.
Iha fatin hanesan, Prezidente Konsellu Imprensa (KI), Virgilio Guterres hato’o, agradese ba Konselleiru Espedito Dias ne’ebe durante fulan tolu nia laran, assume kargu ou responsabilidade bo’ot iha Konsellu Imprensa hodi tau matan, kontinua preside plenária no enkontru sira, atu mantein servisu KI nia liu-liu tau matan ba jornalista sira, iha tempu kobertura media sira, no mos lala’ok jornalista liu-liu períodu importante iha kampaña eleitorál nian.
“iha loron 25 Abril loron importante no loron liberdade nia ne’ebe mos Timor hetan, hau hahù fali asume hau nia kargu hanesan Presidente Konsellu Imprensa, tradisaun ne’ebe Konsellu Imprensa halo. Tanba uluk atu ba kampaña mos halo konferénsia Imprensa hodi fo hatete ba públiku, katak ha’u despensadu husi ha’u nia kargu, agora mai fali re-toman fila fali hau nia kargu, mos tenke hato’o ba pùbliku katak kargu atividade politiku hotu ona,” dehan Vírgilio.
