Reportajen Francisco Colo
Sekretáriu Estado Komunikasaun Social (SEKOMS), Mericio Juvinal dos Reis “Akara” lansa plataforma website “goodnewsontl.gov.tl” Hodi promove imagem positivu timor nian ba mundu internasional no mos atu kombate hoax ka liafalsu ba ita nia rain.
Iha era dijital ne’e itapresija kria plataforma dijital hirak hanesan ne’e ita aproveita atu divulga informasaun positivu kona ba ita nia nasaun proteje positivu kona ba ita nia rain saida mak atinji ita nia governu halo saida para fo balansu ba ita nia sosiedade fo balansu ba nasaun sira seluk katak nasaun foun ida ne’e iha duni dinamikas balun mais ita atinji buat barak,
“Ita sei la halo buat boot ka la halo buat barak maibé ho plataforma ida ne’e loke espasu ba para ita asesu informasaun diak sira kona ba ita nia rain. Plataforma barak mak iha ona plataforma kovensional media sira iha ona maibé labele para ho ida ne’e deit tanba teknolojia kontinua dezenvolve an entaun ita tenke adapta an nafatin.”informa Secretario de estado para a Comunicação Social Mericio Juvinal dos Reis “Akara” iha palasiu do Governu Dili.27/042022.
Governante ne’e afirma ho plataforma sira hanesan ne’e ita bele kombate hoax ka liafalsu, balun fo hanoin mai ita para blok tiha plataforma ka id sira ne’ebé mak la produtivu, maibe bele mosu estratejia seluk hanesan ne’e lansa informasaun positive plataforma ka pipa agora barak sei ita uza pipa plataforma sira ne’e hasai liafuan positive sira ne’e direitamente ita hamate tiha plataforma negativu sira sira ninia espasu, entaun ida ne’e estratejia ida.
Liuhusi plaforma ne’e mós bele apoiu diplomasia externa nian liuliu halo kampaña ba ita nia potensia positivu sir aba komunidade internasional nian.
“Ida seluk plaforma ne’e bele ajuda ita nia diplomasia externa tanba era agora la direitamente visita nasaun seluk sira dala ruma ita visita mas liu husi plataforma ita halo kampana promosi ita nia potensia posituvu sira nasaun sidadaun komunidade ineternasional sira hatene saida maka nasaun kiik ne’e iha. Entaun ida ne’e hanesan meius komunikasaun ida ne’ebé ho kustu baratu liu”
Entretantu programa ne’e realiza tanba Secretario de estado para a Comunicação Social Secoms Servisu hamutuk ho Tekniku Informasaun no Komunikasaun(TIC TIMOR-sigla portugues).
