Home Notisia Koligasaun Foun, Horta: Hau Fiar Governu Ne’e Bele Kumpri Mandatu To’o 2023

Koligasaun Foun, Horta: Hau Fiar Governu Ne’e Bele Kumpri Mandatu To’o 2023

710
0
Dr. Jose Ramos Horta iha palacio prezidensia. [Foto: Santina Lucia da Costa | 14.02.2020]

Reportazen Francisco JDA

Eiz Prezidente no eiz Primeiru Ministru, Dr. Jose Ramos Horta congratula ba Prezidente partidu CNRT Xanana Gusmao, no presidente hosi partidu lima ne’ebe mak halo ona koligasaun, hodi forma nonu governu.

Iha sede CNRT ba jornalista sira, Dr. Jose Ramos Horta hateten depois de Prezidente da Republika, Dr. Francisco Guterres Lu Olo apela ba partidu sira hodi buka dalan. Ohin dalan hetan ona, CNRT forma koligasaun ho partidu lima hanesan FM, PUDD, UDT, PD no KHUNTO.

“Hau fiar governu ne’e bele kumpri nia mandatu to’o 2023, hadia buat ne’ebe tenke hadia, kontinua buat ne’ebe lao diak dadaun. Hau hanesan sidadaun buka ajuda deit, hau la iha papel ofisial instituisional, hau respeita maun boot Xanana buka tulun, respeita mos maun boot Mari Alkatiri kontinua kontaktu ho nia. Dr. Mari Alkatiri hatete ona hakarak viabiliza, hakarak dialogo no orsamentu bele hadia lao ba oin”, dehan Eis Presidente Ramos Horta hafoin partisipa iha konferensia imprensa iha sede CNRT, 22/02.

Eis Presidente ne’e mos reforsa tan, 34 kadeira ne’e maioria, se koligasaun matenek ho diplomasia politika diak bele hetan apoio liu-liu ba orsamentu nian.

Hafoin jornalista sira husu se mak sai Primeiru Ministru ba governu foun ne’e? Ramos esplika, “Maun boot Xanana bolu, hau ba. Dr. Mari bolu, Prezidente bolu hau, sempre prontu mais informal hosi kotuk. Hau hatete ba Maun boot Xanana mak tinan tolu tenke kaer governu metin ho ita nia autoridade no esperencia, ami hotu tane ita boot para serbisu ne’e lao diak”.

LEAVE A REPLY

Please enter your comment!
Please enter your name here