Home Meio Ambiente DGAS Lansa Projetu Limpeza Drainajen Iha Kapital Dili

DGAS Lansa Projetu Limpeza Drainajen Iha Kapital Dili

111
0
Ministeriu Obras Publika [MOP], liu hosi Diresaun Jeral Agua no Saneamentu [DGAS], halo lansamentu ba projetu limpeza drainajen maiór sidade Dili. [Foto: Santina Lucia da Costa | 24.02.2020]

Reportazen Santina Lucia da Costa 

Ministeriu Obras Publika [MOP], liu hosi Diresaun Jeral Agua no Saneamentu [DGAS], halo lansamentu ba projetu limpeza drainajen maiór sidade dili, DGAS iha nia obrigasaun oinsa atu garante drainajen iha kapital Dili ne’e sai moos.

Diretor Jeral DGAS, Gustavo da Cruz ba jornalista sira hateten ohin ofisialmente lansa ekipa ida ne’e, ho nia membrus hamutuk 100, ne’ebé hetan fiar husi Ministerius Obras Publikas, ba Kompañia Loliana Uniesoal, hodi bele halo limpeza drainajen iha sidade Dili, hahu husi fulan ida ne’e to’o fulan Agustu. “Ita hatene katak, husi fulan Janeiru udan boot, iha inundasaun, sedementasaun barak iha valeta laran”, hateten Diretór Jerál Agua no Saneamentu (DGAS), Gustavo da Cruz, ba Jornalista sira, loron Segunda-feira, 24/2/2020. Fatin edifisiu DGAS, Kaikoli, Dili.

Gustavo da Cruz, hatutan akompaña situasaun saude iha rai laran, moras dengue mós komesa aumenta, ho atividade limpeza drainajen ida ne’e mós kontribui halo minimiza susuk ne’ebé maka tolun iha valeta sira.

DGAS Husu ba autóridade komunitaria no lokál sira, apoiu sira nia ekipa ne’ebé maka tama iha  area sira nian, atu kontribui limpeza ida ne’e lao ho di’ak. Kontratu refere ho total orsamentu $126 mill dolar Amerikanu.

Iha fatin hanesan Manager Kompañia, Loliana Unipesoal, Nazario Gonçalves hateten, Kompañia Loliana Unipesoal, sira sei hamoos valeta sira ne’ebé nakonu ho lixu sira, atu nune’e reduz inundasaun no sira hetan fiar husi governu.

Manager Nazario informa, katak serbisu sira ne’e tuir tende, tuir prosedur ne’ebe MOP halo. Tenderizasaun ne’e loke ba publiku, to’o ikus sira kompania refere hetan  fiar husi governu, durasaun tempu fulan 6 nia laran. Area drainajen ne’e, iha kontratu ne’ebé mak sira hetan sei hamós iha Dili laran tomak.

“Ami garante, no esforsu maka’as para hamós Dili laran ne’e sai moos, maibé ho kapasidade ne’ebé mak ami iha, ami sei tenta para ami halo ida, ami tenta nafatin hamoos foer sira ne’ebé mak iha”,  tenik Nazario Gonçalves.

Nia hatutan, iha drainajen laran ne’e, mak hanesan lixu plastiku, rai teen mak barak, sira ne’e ba metin hotu iha bee dalan sira, entaun to’o ikus udan boot sei hamosu inundasaun.

LEAVE A REPLY

Please enter your comment!
Please enter your name here