Home Notisia Mari: VIII Governu Sei La’o To Fim de Ano

Mari: VIII Governu Sei La’o To Fim de Ano

590
0
Sekretariu Jeral partidu FRETILIN. [Foto: Zevonia Vieira | 22.02.2020]

Reportazen Zevonia Vieira 

Diskusaun publiku komesa lao hodi analiza ba situasaun tuir mai, bainhira koligasaun foun aprezenta lista ba Prezidente da Republika, Dr. Francisco Guterres Lu Olo. Perguntas oin-oin mak mosu karik depois de koligasaun Taur Matan Ruak sei rezigna an hosi kargu Premeiru Ministru?

Neon Metin halo entrevista ho eiz Primeiru Ministu, Dr. Mari Alkatiri via telephone, hodi husu relasiona ho situasaun politika. Ba Neon Metin Dr. Mari Alkatiri esplika VIII Governu sei moris hela ho orsamentu duodesimu. koligasaun foun ne’e sedauk forma governu.

Mari hatutan harii aliansa atu halo parseria laos uza sira ba instrumentu, “ita tenke eduka ita nia lideransa jerasaun foun sira katak sira nia valor laos osan, kuandu ita la eduka hanesan ne’e, ita koalia uluk no husu sira kadera hira mak sira hakarak no osan hira mak hakarak, ne’e la eduka jerasaun foun.”

Karik akta ne’ebe koligasaun foun asina ona bele garantidu hodi forma governu foun? Ba Neon Metin Mari Alkatiri hateten la garante akta ne’ebe sira asina, tanba sira nia akta ne’e anti povu.

“Uluk hau dehan kontra natura no kontra povu. Akta ne’e kontra povu, kontra povu ne’ebe sei halerik”, hateten Mari via telephone 22/02.

Ho situasaun ida ne’ebe lao dadauk, tuir lider partidu ne’e nia hanoin karik sei akontese eleisaun antesipada no VIII Governu Konsituisional sei kontinua lao to’o fim de ano.

Iha parte sorin, Partidu PUDD, UDT, FM, PD no KHUNTO hamutuk ho partidu boot CNRT ne’ebe lidera hosi Prezidente CNRT, Kay Rala Xanana Gusmao asina akta hamutuk, hodi harii koligasaun foun, ba jornalista sira iha konferensia imprensa Prezidente CNRT, Kay Rala Xanana Gusmao deklara katak koligasaun foun, ho kadeira 34 sei garante estabilidade governativa.

 

 

LEAVE A REPLY

Please enter your comment!
Please enter your name here