Home Notisia Lu Olo: Sedauk Simu Karta Hosi Koligasaun Foun no Taur Sei Nafatin...

Lu Olo: Sedauk Simu Karta Hosi Koligasaun Foun no Taur Sei Nafatin PM

231
0
Prezidente da Republika, Dr. Francisco Guterres Lu Olo. [Foto: Francisco JDA | 24.02.2020]

Reportazen Francisco JDA 

Hafoin partidu CNRT hamutuk ho PD, PUDD, UDT, FM no KHUNTO forma koligasaun foun ho kadeira 34, mosu diskusaun iha publiku relasiona ho nia kontinuasaun ba oin. Ho situasaun politika ida ne’e media GMNTV husu ba Prezidente da Republika, Dr. Francisco Guterres Lu Olo karik Prezidente da Republika apoiu koligasaun foun ne’e?

Ba GMNTV Prezidente Lu Olo hatan katak partidu politiku sira buka malu, la esklui nein partidu ida,  hotu-hotu ba buka malu, ho ulun malirin mak koalia, depois aprenzenta fali ba Presidente da Repiublika, maibe to’o agora Prezidente da Republika seidauk simu karta oficial.

Situasaun politika ne’ebe akontese, hamosu mos perguntas iha sosiade nia leet, relasiona ho pozisaun Primeiru Ministru Taur Matan Ruak. Radio Voz ba Prezidente da Repulika hodi konfrma karik Primeiru Ministru entreg ona karta rezignasaun? Ba Radio Voz Prezidente Lu Olo hatan katak, “Primeiru Ministru la rezigna an, Prezidente da Republika hateten dalabarak ona, Primeiru Ministru mantein nafatin, ate agora hau mos sei hateten katak Taur Matan Ruak nafatin mantein hanesan Primeiru Ministru”.

Prezidente esplika katak konaba formasaun governu foun akontese, bainhira governu ida laiha ona, maibe VIII governu sei kontinua existe nafatin, tanba governu agora dadauk ne’e laos governu de jestaun, nafatin bolu VIII Governu

“Bainhira dehan governu de jestaun,  signifika katak governu ne’e husu ninia demisaun ona ou governu ne’e ninia demisaun ne’e iha tiha ona no Presidente da Republika dekreta tiha ona ninia demisaun, ida ne’e mak sai governu de jestaun, maibe governu ida ne’e mantein nafatin” tenik Presidente da Republika Francisco Gutures Lu-Olo, hafoin halo abertura ba konferensia Comisaun Anti Korupsaun ba Dala Sanulu, iha salaun Ministeriu Finansas, 24/02.

LEAVE A REPLY

Please enter your comment!
Please enter your name here