Home Notisia Horta Rekomenda Governu Foun Implementa Tuir Mata Dalan Ba Programa Governasaun

Horta Rekomenda Governu Foun Implementa Tuir Mata Dalan Ba Programa Governasaun

385
0
Prezidente Republika Dr. Jose Ramos Horta no Primeiru Ministru Xanana Gusmao iha loron tomada de posse. [Foto: David | 02.07.2023]

Reportajen David da Costa

Prezidente Republika Jose Ramos-Horta, Rekomenda ba Iha  Governu foun, tenke reforsa kordenasaun setoriál no inter-ministeriál, liuliu ida ho responsabilidade direta hosi Primeiru Ministru bazeia ba matadalan (roadmap) hodi implementa programa governasaun nian.

“Iha nível Parlamentu Nasionál, ha’u rekomenda Komisaun Parlamentár ida kona-ba hala’ok ASEAN nian, hodi halo la’o maka’as prosesu lejislativu ne’ebé presiza, liuliu ba ratifikasaun ba tratadu hirak hotu,” dehan, Prezidente Republika (PR) José Ramos-Horta, Bainhira halo nia Diskursu iha palásiu Prezidente Bairo-Pite, Sabadu 1/07.

Xefe Estadu mós rekomenda ba Parlamentu Nasionál atu aprova Autorizasaun Lejislativa hodi hafó kbiit jurídiku ba Governu hodi realiza hala’ok lejislativu ne’ebé presiza, hanesan elimina dupla tributasaun, protesaun ba investimentu, komisaun ba arbitrajen kona-ba rezolusaun ne’ebé justu.  No hotu-hotuu tenke haka’as-an atu Timor-Leste bele tama formalmente no lalai ba ASEAN iha tempu Prezidénsia Indonézia nian ba órgaun ne’ebá,” nia hateten.

Alende ne’e  Xefe estadu mós rekoñese servisu VIII Governu nian la’o diak, maske  iha  VIII Ggovernu ne’e hasoru susar oioin, pandemia, (COVID-19 no influenza fahi) dezastre naturál, krize polítika, funu Ukránia, inflasaun mundiál, ho impaktu hotu boot no klean iha ekonomia mundiál nomós Timór nian, maibé Primeiru Ministru Sesante  hatene, ho laran-kmaan no kalma, lori programasaun governasaun ba oin ho di’ak.

“Ha’’u-nia estimadu Primeiru-Ministru Taur Matan Ruak, ha’u kumprimenta ita-boot kona-ba oinsá ita-boot kaer Governu hosi 2018. Ha’u kumprimenta mós membrus sira hotu hosi ita nia Governu. Maske susar oioin, Ita-Boot hatene, ho laran-kmaan no kalma, lori programasaun governasaun ba oin ho di’ak,” nia esplika.

Nune’e  mós Xefe estadu hato’onia liafuan ho ksolok ba Prezidente no Deputadu sira hosi V Lejislatura (2018-2023), liuliu ba Dr. Aniceto Longuinhos Guterres, ba nia jeitu profisionál, justu no imparsiál, bainhira hala’o knaar iha  uma-fukun.

Print Friendly, PDF & Email

LEAVE A REPLY

Please enter your comment!
Please enter your name here