Home Justisa AJTL Realiza Editor Club Konaba Kontra Esbosu Lei Kriminaliza Defamasaun, AJAR: Lei...

AJTL Realiza Editor Club Konaba Kontra Esbosu Lei Kriminaliza Defamasaun, AJAR: Lei Ne’e Asegura Elite

358
0
Editor Club Discussion realiza hosi AJTL. [Foto: Francisci JDA | 16.07.2020]

Reportazen Francisco JDA

Asosiasaun Jornalista Timor Leste realiza Editor Club Discussion ba Dahaat  ho Tema Kontra Esbosu Lei Kriminaliza Defamasaun iha Propagasaun Covid-19, ne’ebe mak sai preokupasaun boot ba jornalista sira, sosiadade sivil no akademista sira.

Hafoin remata diskusaun, Reprezentante Asia Justice And Right, Inocencio de Jesus hateten liberdade espresaun no imprensa nu’udar espiritu ba demokrasia, tanba ne’e mak demokrasia ne’e di’ak iha rejiaun sudeste aziatiku.

“Ba ami hare katak, seriu duni sei hamate liberdade espresaun no koalia nian, la fó espasu atu ema kontrola. Prevensaun ne’e ema hotu tenke ativu, kazu korupsaun ne’e komún, ema hotu tenke ko’alia. Se Lei ne’e mai, ami lakohi ko’alia, jornalista entrevista mós sei la ko’alia, tanba se mak hakarak ba prizaun. Lei ida ne’e sei fo oportunidade ba ukun nain sira, hodi hanehan ema kiik sira, ema kiik mak sei todan ba Lei ne’e. Nain ba estadu mak povu no povu mak soberania, sé povu mak soberania tenke rona vontade populár povu nian. Konvesaun Internasionál hateten autoridade públiku ne’e sujeita duni ba protestu públiku”, hateten Inosensiu de Jesus iha salaun KI, 16/07

Reprezentante AJAR ne’e dehan, atu ema sai civilizadu no edukadu, tenki iha edukasaun ho kualidade, tanba Lei ne’e iha ona Kodigu Sivil, maibé la uza.

Iha fatin hanesan Diretor Nasionál Ministeriu Justica, Nelino Vital iha intervensaun hateten, la introdus Lei foun, maibé halo aditamentu katak hatama tan artigu neen no kria tan sesaun ida kona ba krime kontra onra, hosi ne’e ida mak defamasaun no injuria hasoru pessoal falesida, maibé la halo Lei foun katak halo aditamentu ba kodigo penal.

“Iha projeitu alterasaun ne’e mós la ko’alia kona ba Kritika no espresaun. Ita tenke hare didiak saida mak defamasaun, Injuria no Kritika? Lei ne’e mai la’ós atu bandu espresaun, maibé kritika ne’e avontade”, tenik Diretor Nasionál Ministeriu Justica Neolinho Vital.

Editor Club Discussion ne’e realiza tanba AJTL serbisu hamutuk ho Konselho Imprensa no TVE-T no hetan apoiu hosi UNDP no governu KOREA liu hosi KOICA.

sai orador iha editor club mak Diretor Nasional Ministeriu Justisa, Nelino Vital, Diretor CEPAD, Joao Boavida, Reprezentante AJAR, Inosensio Xavier no Sekretariu Jeral AJTL, Alberico Junior.

Print Friendly, PDF & Email

LEAVE A REPLY

Please enter your comment!
Please enter your name here