Home Justisa Iha Propagasaun Covid-19, Lei Kriminaliza Defamasaun La Fo Benefisiu Ba Povu

Iha Propagasaun Covid-19, Lei Kriminaliza Defamasaun La Fo Benefisiu Ba Povu

491
0
AJTL realiza Editor Club. [Foto: Francisco JDA | 16.07.2020]

Reportazen Francisco JDA

Lei Kriminaliza Defamasaun nudar inimigu ba Liberdade imprensa no espresaun no iha situasaun propagasaun Covid-19, Lei Kriminaliza Defamasaun la sai prioridade no laiha benefisiu.

Liu hosi programa Editor Club Discussion ne’ebe realiza hosi Asosiasaun Jornalista Timor Lorosa’e (AJTL), Diretor Exekutivu CEPAD, Joao Boavida hateten molok Covid-19 daet mai Timor-Leste, ita atravesa tiha ona krize politika, ne’ebe halo povu ho 80% nian nebe depende ba agrikultura hasoru dezafiu boot tanba 40% sofre mall nutrisaun kronika.

Iha situasuan ida ne’e Joao Boavida hateten governu hamosu Lei Kriminaliza Defamasaun, nia lojika saida? Se Lei Defamasaun atu mai hadia ita nia moris durante tempu pandemia Covid-19, atu ajuda ema sira ne’ebe ai-han laiha ne’e bele dehan iha benefisiu, maibe se la ajuda povu nia moris, Lei refere sei laiha benefisiu.

“Hau la fiar Lei Kriminaliza Defamasaun iha period Covid-19 sei hadia ita nia moris, Lei ne’e mak aprova, imi sira jornalistane’e sei sai kriminozu hotu”,hateten Joao Boavida iha salaun Konselho Imprensa, 16/07

Iha Fatin hanesan Sekretáriu Jerál AJTL, Alberico Junior hateten, AJTL nia pozisaun klaru katak esbosu Lei Kriminaliza Defamasaun, AJTL totalmente kontra tanba esbosu Lei ne’e kontra prinsipiu povu nia luta lulik ba ukun rasik-an no Liberdade.

“Maun boot sira no martires sira mate ba ida ne’e, agora limite fali liberdade ne’e oinsá? Kestaun boot ida, tanba ne’e mak AJTL hakarak governu la’o ho Kodigu Civil ne’ebé iha tiha ona, la’ós Kriminaliza tanba ne’e sei hatama ema ba Prizaun”, hateten Alberico Junior.

Programa ne’e realiza hosi AJTL serbisu hamutuk ho Konselho Imprensa no TVE-T no hetan apoiu hosi UNDP no KOICA. Orador sira ba programa refere mak Diretor Nasional Ministeriu Justisa, Nelino Vital, Diretor Exekutivu CEPAD, Joao Boavida, Reprezentante AJAR, Inosencio Xavier no Sekretariu Jeral AJTL, Alberico Junior.

Topiku ba editorial club ba dahaat nian mak Luta hasoru esbosu Lei Kriminalizasaun Defamasauniha situasaun propagasaun Covid-19.

Print Friendly, PDF & Email

LEAVE A REPLY

Please enter your comment!
Please enter your name here