Reportajen Joselina dos Santos
Sosiedade Sivil Liuhosi Luta Hamutuk (LH), Husu ba Primeiru Ministru (PM) Taur matan Ruak, atu fó atensaun ba Ministeriu Obras Publika nomós ba Parlamentu Nasional hodi husu justifikasaun ba jerente EDTL, E.P atu fó esplikasaun ne’ebé lojika ba públiku, tanba gasta Orsamentu Jeral ba EDTL,E.P, nune’e tenke fó atendimentu no servi di’ak ba konsumidor sira.
Diretor Ezekutivu Luta Hamutuk (LH), Jóse Alves Da Costa hateten, Atu aselera konsumidor sira ne’ebe imfrenta até balun ahi mate no forma kleur, nune’e husu ba EDTL, E.P husu apoiu ba entidades balun hanesan PCIC no TIC atu bele fornese no servi di’ak konsumidór sira, tanba sakrifika konsumidór sira balun hamriik to’o oras tolu haat maibé la hetan no estraga sasan balun.
“Horseik ita rona sira nia deklarasaun katak ema hacker, entaun IT iha EDTL ne’e nia funsaun atu kontrola sasan sira ne’e. Sé kuandu sente labele husu apoiu ba PCIC no TIC atu halo intervensaun hodi buka solusaun. Karik sistema ida ne’e mak seidauk viavél entaun muda tiha sistema, ita ba hola pulsa hanesan uluk kada fulan mak ba selu deit duké aplika ida ne’e, maibé ikus ita sakrifika konsumidor sira,” Dehan, DiretorJóse Alves Da Costa iha Edifisiu Luta Hamutuk Farol, terrsa 02/05.
Diretór hatutan, iha tempu kampaña agora jerente sira tun hato’o sira nia programa oin-oin atu povu fó konfiansa, maibé labele haluha sira nia responsabilidade, tanba konsumidór sira kontribui maka’as ba taxa estadu nian. Nune’e sira tenke fó servi di’ak liu tan atu bele hafasil nesesidade konsumidór sira nian, entuan labele dun mai tanba sira nu’udar instituisaun Empreza Públiku nian, ne’e duni sira iha respinsabilidade atu tane-aas konsumidór.
Husu ba Primeiru Ministru fó atensaun ba iha Ministru Obras Publika atu haree sasan sira ne’e, husu mos ba Parlamentu hodi husu justifikasaun ba jerente EDTL ne’e rasik atu fó esplikasaun ne’ebe lojika ba públiku tanba gasta Orsamentu Jeral ba EDTL entaun tenke fó atendimentu di’ak ba konsumidór sira.
