Reportajen Zevonia Vieira
Situasaun kazu Dengue Iha Timor-Leste iha loron 19 Janeiro 2022, kazu dengue hamutuk 593 no kumulativu obito nain 10, maioria kazu ne’e deteta husi Munisípiu Dili ho total 412 kazu, Munisípiu Ermera ho kazu 55, Baucau ho kazu 32, Manatutu ho kazu 32, Covalima ho kazu 24, Manufahi kazu 19, Bobonaro ho kazu 7, Ainaro ho kazu 4, Viqueque 4, Liquica kazu 3 no Aileu relata kazu 1. Em jeral total Munisípiu 11 mak agora daudaun relata kazu dengue.
Munisípiu Dili nafatin rejistu kazu ne’ebe a’as iha Primeira semana – Quarta Semana fulan Janeiro 2022, ho total 412 kazu. Hare ba kada loron kazu aumenta beibeik husi Munisípiu Dili.
Idade mais afetadu mak husi idade menus husi 14 anos mai kraik ho grupu edade 5 – 14 ho 45,4% no idade 1 – 4 ho 35,2%. Ho ida ne’e Attack Rate (AR) idade 1-14 ano a nivel Nasionál ho 0.10%.
Postu Administrativu Dom Aleixo relata kazu a’as liu husi Posto administrativos hotu ho total 197 kazu iha primeira semana – Quarta semana Janeiro 2022, hafoin tuir husi Posto Aministrativu Cristo Rei 78 kazu, Vera-Cruz 67 kazu no Nain-Feto 66 kazu.
Kazu obito husi tinan 2020 ho total 10, iha tinan 2021 ho total 11 obito no iha primeira semana fulan Janeiro 2022 iha ona obitos nain 1, nebe’e relata husi Municipio Dili, no iha terceira semana relata kazu obito nain 4 husi Municipio Ermera, nain 1 husi Ainaro no nain 1 husi Bobonaro, no quarta semana relata obito nain 2 husi Municipio Covalima no 1 husi Municipio Dili ho ida ne’e total Case Fatality Rate nivel nasional ho 1,7%.
