Home Saude Kazu Mal Nutrisaun Hetan Alarme Ho Persentajen aas 47% Iha Timor-Leste

Kazu Mal Nutrisaun Hetan Alarme Ho Persentajen aas 47% Iha Timor-Leste

114
0
(KONSSANTIL) ho World Food Program (WFP) halo sorumutu. [Foto: Adalgisa | 20.01.2022]

Reportajen Adalgisa Pereira

Konsellu Nasional Seguransa Ai-han no nutrisaun Timor-Leste (KONSSANTIL) ho World Food Program (WFP) halo sorumutu hodi koalia kona-ba fortifikasaun ai-han,  hodi kontribui ba redús mal nutrisaun iha Timor-Leste komprensivu, sobre defisiénsia micronutrient liuliu iha anemia ka ran menus .

Emergency Coordinator WFP, Ashley James Rogers iha entrevista hateten, kazu mal nutrisaun tuir estandard Organizasaun Mundial Saude (OMS) nasaun ne’e hetan alarms ba mal nutrisaun

“Kazu mal nutrisaun Timor-Leste aas 47.% ho labarik sira ne’ebe  razz badak,  no labarik sira ne’ebe krekas  8.6%, labarik sira tinan 5 mai kraik 4% mate, ida ne’e hatudu katak, mal nutrisaun kontribuisaun ba labarik mate, ne’e signifikadu tebes no mal nutrisaun, inan feton sira mos hetan mal nutrisaun” dehan Ashley James Rogers iha hotel Novo Turizmu, 20/01/2022

 Iha fatin hanesan Diretór Nasionál Seguransa Ai-han, Rofino Soares Gusmão informa kazu mal nutrisaun presiza setór hotu-hotu nia kontribuisaun, atu nunee hamutuk hodi redús mal nutrisaun ne’ebe porsentu aas.

“Kazu mal nutrisaun ne;e presiza iha intrevensaun kada setor,  konssantil harii konsellu seguransa soberanu nutrisaun, hodi halo koordenasaun sektorál, oinsa mak intervensaun kada setór halo, liuliu parseiru dezenvolvimentu liña ministerial, ajénsia, parseiru dezenvolvimentu sira atu hamutuk responde ba mal nutrisaun ne’e rasik”, informa Rofino Soares Gusmão.

WFP ajuda governu liu husi Ministeriu Saude  halo tratamentu balun ba mal nutrisaun ho konssantil, no ministériu Turizmu Komérsiu no Industria, atu halo planu, atu halo fortifikasaun foos, atu aumenta vitamina no minarais hodi responde ba  mal nutrisaun.

Print Friendly, PDF & Email

LEAVE A REPLY

Please enter your comment!
Please enter your name here