Home Saude 21 Janeiru MS Deteta Kazu Dengue Sae Ba 676, Obitu Sai Ba...

21 Janeiru MS Deteta Kazu Dengue Sae Ba 676, Obitu Sai Ba 16 no Maioria Iha Dili

198
0
Ilustrasaun susuk dengue. [Foto: google | 18.01.2022]

Reportajen Zevonia Vieira

Liuhusi komunikadu imprensa Ministeru Saude (MS) deteta kazu dengue iha loron 21 Janeiru ho total 676, no obitu hamutuk nain 16.

Ministeriu Saude informa katak situasaun kazu Dengue iha Timor-Leste ohin loron 21 Janeiro 2022, kazu dengue hamutuk 676, no kumulativo obitos nain 16 Maioria kazu ne’e deteta husi Munisípiu Dili, ho total 488 kazu, Ermera ho kazu 55, Baucau ho kazu 32, Manatuto ho kazu 32, Covalima ho kazu 24, Manufahi kazu 19, Bobonaro ho kazu 14, Ainaro ho kazu 4, Viqueque 4, Liquica kazu 3, Aileu relata kazu 1. Em jeral total Municipio 11 mak agora dadaun relata kazu dengue.

Husi grafiku ida ne’e hatudu katak husi fulan Dezembru 2021 kazu komesa aumenta ho total 225, maibe iha fulan Janeiro 2021, kompara ho fulan janeiro 2022 iha semana quarta kazu barak liu kompara ho kazu Janeiro 2021. Iha posibilidade kazu sei aumenta iha semana hirak tuir mai no iha fulan oin mai.

Munisípiu Dili nafatin rejistu kazu ne’ebe aas iha Primeira semana – Quarta Semana fulan Janeiro 2022, ho total 488 kazu. Hare ba kada loron kazu aumenta bebeik husi Dili

Idade Mais afetadu mak husi idade menus husi 14 anos mai kraik ho grupu edade 5 – 14 ho porsento 45,7% no edade 1 – 4 ho 35,2%. Ho ida ne’e Attack Rate (AR) idade 1-14 anos a nivel Nacional ho 0.12%.

Posto Administrativu Dom Aleixo relata kazu aas liu husi Posto administrativu hotu ho total 236 kazu iha primeira semana – Quarta semana janeiro 2022, hafoin tuir husi Posto Aministrativo Cristo Rei 98 kazu, Vera-Cruz 76 kazu no Nain-Feto 75 kazu. Kazu obitos husi tinan 2020 ho total 10, iha tinan 2021 ho total 11 obitos. Iha Primeira semana fulan janeiro 2022 iha obitos nain 1 nebe relata husi Munisípiu Dili, no iha Terceira semana relata kazu obitos.

Munisípiu Ermera nain 4, Ainaro nain 1 no Bobonaro nain 1 no Quarta semana relata obitos nain 2 husi Municipio Covalima no 7 husi Municipio Dili ho idane’e total Case Fatality Rate nivel nasional ho porsento 2,4%.

Situasaun kazu Dengue iha Municipio Dili Municipio relata ona kazu 488 kazu no obito nain 8. Tuir kalendario epidemiolojia Tinan 2022, iha primeira semana fulan janeiro Tinan 2022 Municipio Dili relata total 38 kazu no iha semana Segundo fulan janeiro 2022 relata 160 kazu no iha Terceira semana relata ona 122 kazu no ohin quarta semana relata kazu ho total 168.

To’o ohin loron quarta semana fulan Janeiro 2022 Posto administrativo Dom Alexo relata kazu total 236, hafoin Posto Administrativo Cristo Rei ho 98 kazu. no tuir kedan posto administrativo Vera-Cruz ho total kazu 76 no Nain Feto ho total kazu 75, ne’e hatudu katak kada dia kazu espalha nafatin ba iha posto administrativo sira seluk.

Idade Mais afektado mak husi idade menus husi 14 anos mai kraik ho grupu edade 5 – 14 ho total 231 kazu no edade 1- 4 ho total 190 kazu. Ho ida ne’e Attack Rate (AR) idade 1-14 anos Munisípiu Dili ho 0.39%

Print Friendly, PDF & Email

LEAVE A REPLY

Please enter your comment!
Please enter your name here