Reportajen David da Costa Gusmao
Vise Ministru Negósiu Estranjeiru no Kooperasaun (MNEK), Julião da Silva informa ohin mai partilla hela informasaun ba Primeiru Ministru (PM), Taur matan Ruak konaba sidadaun feto nain 7 ne’ebe enfrenta problema iha Abudabi, no semana kotuk sira iha ona Jakarta Indonesia no semana ne’e sira bele to’o fali iha Timor-Leste.
“Ita nia diplomata sira servisu makaas loos, ho Polisia Sentífiku Investigasaun Kriminál (PSIK) no interpol Dubai nian, bele koopera diak no ita nia sidadaun nain 7 ne’e semana kotuk iha jakarta ona, iha ona ita nia embaixada ho ida ne’e hau mai koalia ita nia PM nia apoiu hodi repatira sira, se bele semana ne’e sira fila ona mai iha sira nia familia,” Dehan Vise MNEK Julião Iha Palasiu Governu, Segunda 4/07.
Atu repatria sidadaun feto nain 7 iha Jakarta Indonedia mai fali iha Timor-Leste, MNEK laiha osan atu repatria sira, maibe MNEK kálkulu ona osan atu repatria sira mais ou ne’e gastu osan $10 mil.
“Ohin hau diskute ho PM hanesan ne’e, tanba MNEK laiha osan, atu repatria fila sidadaun nain 7 ne’e, ami halo kalkulazsaun minimu sira nain 7, iha Jakarta to’o mai iha Dili, ita presiza 10 mill hanesan ne’e,” Julião esplika.
Nia dehan ajénsia ne’ebe lori, iha ona informasaun balun konaba ajénsia ne’e, sei iha hela prosesu investigasaun no Ministériu Publiku akumula hela informasaun hirak ne’ebe mak ajensia ida haruka ba Adudabi, Malaysia no Alemaña