Reportajen Umbelina dos Reis
Komemorasaun loron Balibo Five ba dala-47, Organiazasaun Direitu Umanus Asosiasaun HAK hato’o nia solidariedade ba mundu, liliu ba Palestina no Sahara Osidentál ne’ebé moris hela iha rejime ditadura.
Diretór Ezekutivu asosiasaun HAK, Sisto dos Santos hataten iha Balibo Five ida ne’e sai memória ba liberdade imprensa, ho ida ne’e asosiasaun HAK halo solidariedade ba nasaun Palestina no Sahara Osidentál ne’ebe maka sira povu iha hela rejime militár nian.
“Husi hali-hun ida ne’e sai memoria ba liberdade Imprensa, hakarak halo solidariedade ba mundu no ba povu Palestina no Sahara Osidentál ne’ebé daudaun ne’e iha depresaun asosinosaun, rejime ditadura hanesan mos povu Timor-Leste enfrenta saida mak akontese ha tinan 1975”, Sisto hato’o Solidaderiedade liuhusi Konferensia Imprensa, Iha Balibo Vila, Domingo 16/10.
Nia haktuir loron trajédia Balibo Five Asosiasaun HAK hamutuk ho Povu Timor-Leste halo solidariedade ba povu hotu-hotu, ne’ebé mak luta ba liberdade imprensa, luta ba lia los, dame no justisa hodi kontra impunidade iha Timor-Leste no mundu.
