Reportajen Joselina dos Santos
Sekretariu Jerál Frente Revolusionáriu Timor-Leste Independente (FRETILIN), Dr. Mari Alkatiri kontente ho kongresu Nasional Organizasaun Resistência Nasional dos Estudantes Timor-Leste (RENETIL), ba daualu, tanba hatudu ezemplu di’ak ba organizasaun sira seluk, hodi hametin no kontribui ba estadu hodi hadia kualidade iha futuru.
Iha kongresu ba da-ualu RENETIL nian, Sekretáriu Jerál, Dr. Mari Alkatiri liuhosi nia diskursu, hateten RENETIL iha planu di’ak atu hametin no kontribui ba estadu, tanba RENETIL sai ezemplu ne’ebe diak ho ba nia membru, maske lidera idak-idak nia partidu, maibe nunka fila kotuk ba RENETIL nune’e agradese tanba Timor-Leste presiza ita nia prezensa.
“Tempu to’o ona atu ita hateke ba oin laos ba kotuk, tanba pensamentu politiku transversaun mak sei determina futuru rai Timor nian, maske idak-idak iha nia partidu rasik maibe bainhira koalia tenke ba nesesidade no hametin estadu” dehan Marí bainhira halo nia diskursu iha Kongresu da-ualu RENETIL nian, iha CCD, sexta 02/12.
Nia haktuir diferensa entre RENETIL ne’ebe organiza-an iha Indonesia ne’e sai ida deit, no mós ba sira ne’ebe organiza iha Timor-Leste sai organizasaun oin-oin, diferensa ne’e iha razaun mai Timor-Leste hasoru indiretu inimigu, entaun idak-idak buka fahe malu maibé agora laiha interese atu fahe malu.
Ho ida ne’e, votus susesu mak bele ajuda ba oin, katak rezolusaun ne’ebe deit maka aprova sei reflete, tanba konsege sai husi rezisténsia no halo rezilénsia.
