Reportajen Joselina dos Santos
Koordenador Asosiasaun Grupu Maneja Manufahi (AGMF), husu governu, kada tinan tenke tun ba halo monitorizasaun iha área rural sira kona-ba asuntu importante hanesan Setór Edukasaun, Saude, Agrikultura no Bee Moos, atu nune’e imi bele fiar sé lae ita bosok malu de’it, maske ami hato’o ho pursentu ne’ebe aas maibe iha área rural la atinje pursentu ne’ebe ami hato’o.
Koordenador Asosiasaun Grupu Maneja Manufahi (AGMF), Nelson de Araújo Devan, Munisipiu Manufahi ho total 29 suku no 137 Aldeia, atinjimentu sistema bee moos Iha Munisipiu Manufahi 83% katak komunidade barak mak asesu bee moos, maibé liga ho setor Agrikultura Irigasaun ne’ebe aat mak iha Suku Betano nomos Suku Alas Umaberloi ne’e komunidade sira infrenta problema boot tanba Irigasaun la funsiona entaun sira la asesu ba sira nia natar.
Nia haktuir, Problema seluk husi komunidade Manufahi mak komunidade sira harii rasik tos uma hun, maibe la konsege hetan fini, inklui sira la konsege realiza sira nia atividade, no mos estasionista sira iha suku, nunka besik ba komunidade halo monitorizasaun ba suku no aldeia sira. Iha suku balun ne’ebe komunidade sira harii tiha grupu buka meius hetan bibit ne’ebe sira kuda no estanista sira ba hasai foto deit maibe laiha rezultadu.
“Iha Munisipiu Manufahi ita nia eskola sira kuaze asesu ba bee moos maibe fatin Sentina mak la dun dignu nomos fatin misturasaun ba eskola mak laiha, nomos eskola primariu sira iha área rural seidauk asesu bainhira sira hetan misturasaun iha loron entaun sira labele tuir aula aprendijazen no latuir ezame ne’ebe iha”, hateten Koordenador Asosiasaun Grupu Maneja Manufahi (AGMF), Nelson de Araújo iha Dialogu Ambitu Komemorasaun Loron Direitus Humanus ba 75, iha Hotel Clarita, sesta 09/11.
Nia akresenta, liga ho Edukasaun professors balun sei servisu voluntáriu, maibé ho distánsia dook no sira laiha transporte, entaun ba eskola sira tarde liu, tanba transporte laiha iha área rural.