Reportajen Joselina Dos Santos
Governu Liuhusi Prezidente Bee Timor-Leste, Empresa Públika (BTL, E.P), asina kontratu ho Kompañia Timorindo Unipessoal Lda, Kuapali Unipessoal Lda no Quintas das Flores Unipessoal Lda, hodi implementa projetu konstrusaun sistema Bee Moos, ba komunidade Postu-Administrativu Lakluta, Munisipiu Vikeke no Projetu Instalasaun Liner Tank ba iha Postu-Administrativu Maubara, Munisipiu Likisa.
Hafoin enkontru, Prezidente Bee Timor-Leste, Empresa Públika (BTL, E.P), Carlos dos Reis Peloi hateten, ohin asina kontratu ho kompañia tolu objetivu atu halo servisu kanalizasaun bee moos ba Postu-Administrativu Lakluta, Munisipiu Vikeke no Projetu Instalasaun Liner Tank ba iha Postu-Administrativu Maubara, Munisipiu Likisa, kada projetu nia durasaun durante fualan neen ne’e sei benefisia ba komunidade ne’ebe hela iha postu refere.
Nune’e Projetu iha Postu-Administrativu Lakluta ne’e ho kustu globál $ 797.487,57 ne’e projetu rua ida ba kanalizasaun ida ba halo reservatoriu sei fó benefisia ba komunidade uma kain 693 no serve ba populasaun hamutuk 4158 no ba iha Postu-Administrativu Maubara nian kustu global $ 559.587,21 sei benefisia ba uma kain 372 unidades no serve populasaun Hamutuk 2232.
“Ita espera durante fulan 6 nia laran parseiru sira fó apoiu husi Autoridade Lokal sira bele halo servisu hamutuk tuir tempu ne’ebe ita planu ona katak ohin asina signifika iha inisiu fulan juñu komesa servisu atu komunidade sira bele asesu ba bee moos” Dehan, Prezidente Bee Timor-Leste, Empresa Públika (BTL, E.P), Carlos dos Reis Peloi iha Salaun kaicoli, Tersa 10/01.
Nia haktuir kompañia rua husi kompañia Timorindo Unipessoal Lda no Kuapali Unipessoal Lda hala’o kanalizasaun iha Postu-Administrativu Lakluta, no Kompañia Quintas das Flores Unipessoal Lda iha Postu-Administrativu Maubara, nune’e sei iha sansaun bainhira kompañia sira la hala’o servisu ho di’ak no la tuir regras mak sei hamenus sira nia kustu global, ou multa tuir pursentu kada fulan ne’ebe eziste nune’e husu kompañia sira tenke servisu tuir tempu ne’ebe determina ona.