Reportajen Umbelina dos Reis
Diretór Diresaun Nasionál Empregu Exterior (DNEE), Filomeno Soares informa, konaba pájina Facebook Diresaun Nasionál Empregu Exterior nian, ne’ebé viral iha media sosiál, no ema hack hodi troka naran ba ADUCA Network ne’e la’os ema Timor-oan mak estraga maibé ema deskoñesidu mak halo ida ho nune’e DNEE fo ona orientasaun ba média sira atu avizu ba públiku sira labele pániku, no ida ne’e la implika ba sidadaun Timor-oan ne’ebé aplika hela ba vaga Pacific Australia Labor Mobility (PALM).
“Konabá pájina SEFOPE nian ne’ebé mak viral iha média sosial ne’e, hanesan atividade ne’ebé ami hala’o públika durante ne’e hakerek buat lubuk saida iha pájina atu bele fó asesu no informasaun ba públiku konabá SEFOPE nia programa, maibé ema ne’ebé estraga pajina ne’e mos la’os ema Timor maibé ema ADUCA.” dehan Diretór Filomeno Soares ba Neon Metin iha Timor Lodge Comoro, sexta-feira 17/03.
Nia informa katak, DNEE liu hosi SEFOPE fó ona orientasaun konabá informasaun ne’ebé espalla iha média sosiál, atu avizu ba públiku konabá ema deskoñesidu ne’ebé Hack pájina SEFOPE hodi estraga de’it, nune’e husu ba públiku labele pániku.
“Entaun ida ne’e mak ha’u fo ona orientasaun ba média sira atu bele halo aviza ba públika konaba pájina SEFOPE nian ne’ebé mak asesu informasaun SEFOPE nian ne’ebé mak fó sai iha públiku.” Dehan Diretor DNEE.
Nia informa, konaba pájina Facebook SEFOPE nia ne’ebe mak viral iha média, DNEE husu traballador sira lalika pániku tanba ida ne’e la fo impaktu ba traballador sira ne’ebé mak aplika ona vaga Australia.
“Ha’u husu ba trabalhador sira lalika pániku ba ami nia pájina Facebook SEFOPE nian, trabllador ne’ebé mak apply ona vaga Australia nia ne’e la fo impaktu tanba ida ne’e nia estraga de’it ami nia pájina aktividade ne’ebé lor-loron nian maibé la’os aplikasaun online nian.” hakotu Diretor DNEE Filomino Soares.
Agora da-dauk SEFOPE uza pájina los ho naran SEFOPE-Diresaun Nasional Empregu Exterior.