Home Notisia LSA-TL Lansa Filme “The Letter”, Dircia: Habelar Mensajen Amo Papa Kuida Ita...

LSA-TL Lansa Filme “The Letter”, Dircia: Habelar Mensajen Amo Papa Kuida Ita nia Ambiente

562
0
LSA-TL Lansa Filme “The Letter". [Foto: Copyright Dircia BS | 24.03.2023]

Reportajen Filomena da Conceição

“Habelar mensajen Amo Papa  nian ba mundu tomak, signifika ne’ebé hanaran planeta Terra, oinsá maka kuida ita nia ambiente ne’eb’e haleu ita”. Dircia

Laudato SI Animators Timor-Leste (LSA-TL) ohin lansa filme ho títulu “The Letter”, no iha filme ne’e oinsá maka bele habelar mensajen husi Amo Papa nian, ba mundu tomak  atu bele asesu. Nune’e mós halo lansamentu ba ezisténsia Laudato SI Animators iha Timor-Leste.

Fundadora Laudato SI Animators Timor-Leste (LSA-TL), Dircia Sarmento Belo hateten,  objetivu husi lansamentu ne’e maka kona-ba  filme ne’ebé hanaran “The Letter” iha filme ne’e sei ko’alia kona-ba mensajen husi Amo papa nian, atu núne’e públiku no mundu tomak bele asesu Amo Papa nia mensajen, no ida tan maka halo lansamentu ba ezisténsia Laudato SI Animators iha Timor-Leste, ne’ebè harii iha 2020, ne’ebé sai ona Chapter Timor-Leste husi Laudato SI global nian.

Nia dehan Laudato SI ne’e rasik katak, hasae agradese ba Maromak no agradese ba  ambiente ne’e haleu ema no ida ne’e hanesan ensiklíka husi Amo Papa Francisco nian ba mundu tomak la hare ba relijiaun no rasa.

“Objetivu husi filme “The Letter” ida ne’e nian, oinsá  maka ita atu habelar mensajen Amo Papa  nian ba mundu tomak, signifika ne’ebé hanaran planeta Terra no hanesan mensajen ida ba ema hotu, oinsá maka kuida ita nia ambiente ne’eb’e haleu ita”, dehan Fundadora Laudato SI Animators Timor-Leste (LSA-TL), Dircia ba jornalista Neon Metin iha Salaun Paróquia Comoro, Sesta 24/03.

Nia hatutan filme “The Letter”  públika tiha ona iha tinan kotuk iha loron 4 Outubru 2022, maibé kestaun tempu, ohin maka halo lansamentu iha Timor, atu núne depois de lansamentu, sei loke ba públiku núne públiku bele asesu liuhusi YouTube channel.  Filme nee uza lian oi-oin, tanba ema ne’ebé halo filme ne’e mai husi lian oi-oin kompostu husi nasaun haat ne’ebé diferente

Iha fatin hanesan reprezentante Casa de Produção Audiovisual (CPA), Egas Pinto  husu ema hotu tenke tuir Amo papa nia mensajen, hodi bele kuidadu mundu ne’e hanesan  uma rasik.

“Ha’u hakarak fó parabéns ba ita boot sira Laudato SI Timor-Leste ne’ebé mak hala’o atividade ida ne’e, ha’u hanoin atividade ida ne’e importante loos ba ita hotu atu bele komprende diak liu tan mensajen Amo Papa nian, oinsá atu kuidadu mundu ne’e hanesan ita nia uma rasik no hanesan mós ho ita nia an rasik,” dehan Egas

Laudato SI Timor-Leste ne’e hanesan mensajen ida husi Amo Papa Francisco nian,  atu oinsa kuidadu mundu ne’e hanesan uma rasik no dalaruma ema hanoin katak  ema ho ema deit maibé iha aspetu ida ne’e Amo Papa nia intensaun atu kuidadu mundu ne’e ba ema, balada no mós ba natureza sira.

Nune’e mós iha  lansamentu ne’e hetan partisipasaun husi reprezentante Casa de Produção Audiovisual, representante Meio Ambiente, Madre, membru Laudato SI Animators Timor-Leste no mós estudante sira.

Print Friendly, PDF & Email

LEAVE A REPLY

Please enter your comment!
Please enter your name here