Reportajen Joanina Casemiro
Relasiona ho lei eleitorál ba eleisaun parlamentár ne’ebe la fo espasu ba jornalista sira atu vota movel iha kualkér sentru votasaun, no espasu refere ba deit jornalista Radio Televisaun Timor-Leste no Tatoli.IP.
Ba Kestaun ne’e Prezidente Konsellu Imprensa (KI), Otelio Ote ba jornalista sira hateten relasiona ho lei eleitorál, hodi fo biban de’it ba media estatál Ajénsia Tatoli no RTTL.EP mak bele vota movel iha eleisaun parlamentár ne’ebé sei mai,nia dehan bainhira Presidente Repúblika la promulga lei atu jornalista sira hotu hosi instituisaun média privada, hodi vota la livre tenke dixiplina de’it tuir lei ne’ebé vigor ona.
Prezidente Otelio Ote hateten primeiru kona-ba prosesu atu hetan karta akreditasaun, husi STAE fó ona karta ba média sira hotu, atu haruka lista naran ba konsellu Imprensa, kona-ba sira ne’ebé atu halo kobertura iha prosesu eleisaun parlamentár nian, maibé KI sei hein hela.
“Konsellu Imprensa to’o ohin loron sei hein hela média sira haruka sira nia naran husi instituisaun ida-diak atu bele verifika, sira ne’ebe hetan ona kartaun profisionál Konsellu Imprensa ka lae? Depois mak haruka ba STAE. Mais ou menus to’o loron 5 Abríl tenke hetan ona naran sira iha instituisaun média ida-diak. Karta sira ne’e dezde lei ne’e iha diskusaun Parlamentu Nasionál ita alerta kedas ba média sira, ita hein bainhira mak sira hatama sira nia karta”, dehan Otelio Ote, iha loron abertura formasaun Seguransa Dijital iha Radio Liberdade.
Nia dehan ida ne’e konsekuénsia husi lei ne’ebé mak Prezidente Repúblika la promulga, ita hotu tenke dixiplina de’it tuir lei ne’ebé vigor, depende husi média ida-di’ak atu jere nia ema ida-idak tuir fatin ne’ebé nia mai husi ne’eba, tuir kartaun eleitorál,” dehan Prezidente KI ba jornalista sira wainhira remata serimónia treinamentu ne’ebé organiza hosi AJTL iha resintu Rádiu Liberdade, Hudi-Laran, 31/03.
Nia hateten, hanesan tinan uluk 2018 laiha esforsu ida tomak, tanba tempu limitadu tebes atu halo akordu ida ho STAE, maibé sei iha tempu fulan ida nia laran, koko koordena ho STAE oinsá mak bele jere jornalista sira ne’ebé servisu iha terenu, diferente ho nia kartaun eleitorál bele ezerse nia votu.
