Reportajen David da Costa
Komunidade husi Suku Com, Postu Administrativu Lautem, Munisipiu Lautem, iha esperansa boot bai ha governu foun mai ne’e katak, bele hadia sira nia estrada husi Lautem ba Iha Com, no mós bele halo dezenvolvimentu di’ak liu tan ba iha fatin turizmu sira iha Conu.
Komunidade iha suku Conu, Rossa Morreira Ratu hateten suku Com ne’e ema hotu hatene tanba fatin turismu mesak didi’ak deit no ema barak maka mai vista, maibé problema maka estada ladi’ak no governu seidauk halo dezenvolve di’ak fatin tuir sira iha Suku Com ne’e. Tanba ne’e governu foun mai iha hanoin karik bele halo di’ak tiha estada sira ne’e, no halo dezenvolvimentu ba fatin turismu, atu nune’e turista sira mai vizita fatin turizmu sira iha com ne’e aumenta barak liu tan.
Tanba bainhira governu halo di’ak ona estrada no halo ona dezenvolvimentu ba fatin turismo sira ne’e, vizistór sira sei mai barak no komunidade sira bele faan sira nia produtu ne’e bele folin, mas importante mós kria merkadu di’ak ida ba komunidade sira para bele faan sira nia produtu lokál sira.
“Iha ami nia Conu fatin turizmu maibe ami nia estrada maka ladi’ak, tanba ne’e ami nia esperansa ba Governu foun mai bele hadia ami nia estrada no halo dezenvolvimentu ba fatin turismu sira ne’e, para ami povu mos kontente, no turista sira mai vizita fatin ne’e mos kontente,” dehan komundade Com, Rossa ba Neon Metin iha Com, Kinta 20/04
Nune’e mós Komunidade husi suku Conu, Sabinha De Jesus Morreira, iha esperansa ba iha governu foun mai ne’e, atu bele hadia estrada husi Lautem mai Com ne’e, tanba iha Com ne’e ema hakarak mai vizita mai estada mak ladi’ak, espera governu foun mai bele hadia, atu nue’e komunidade sira ne’e bele buka nia
“Fatin turizmu iha com ne’e, ha’u hakarak governu foun mai ne’e halo dezenvolve, nusa para, ami sira ne’e bele servisu, joven sira servisu laiha ne’e mós bele servisu, no pelemenus osan tama netik mai iha Com ne’e. ami hakarak hadia estrada sira ne’e para turizmu sira mai haree fatin furak sira iha Conu ne’e, no ami bele faan ami nia produtu sira ne’e bele folin,” dehan nia.