Reportajen David da Costa
Komunidade husi Suku Conu, Postu Administrativu Lautem, Munisipiu Lautem iha esperansa boot ba iha Governu foun mai, bele kria merkadu tasi permanen di’ak ida iha suku Conu, atu nue’e komunidade sira bele faan sira nia produtu tasi sira, hodi bele sustenta ba ona sira nia estudu no familia nia moris.
Komunidade iha suku Conu, Postu Administrativu Lautem, Munisipiu Lautem, Sabinha De Jesus Morreira, hateten, durante komunidade sira iha com ne’e faan sira nia produtu tasi sira ne’e, iha ida-idak nia uma deit, tanba laiha merkadu iha permanen atu komunidade faan nia produtu tais sira ne’e. tanba iha ne’e visitor sira mai barak maibé laiha merakadu di’ak entaun komunidade sira labele faan sira nia produtu sira.
“Tanba ne’e, ami nia esperansa ba iha governu foun mai ne’e, atu kria merkadu tasi nia di’ak ida, atu nune’e ami bele faan deit iha ami nia uma, maibé ami bele faan ami nia produtu ne’e iha merkadu di’ak ida,” dehan komundade Conu, Sabinha ba Neon Metin iha Conu, Kinta 20/04
Nune’e mós Rossa Morreira Ratu, husi Conu, Postu Lautem, haktuir, sese maka manan iha elisaun ida ne’e, mesak Timoroan hotu deit, ne’ebé labele hirus no laran moras ba malu, maibé hamutuk hodi fó moris di’ak ba povu hotu. Tanba ne’e husu ba governu foun mai kria merkadu di’ak ida iha Conu, atu nune’e komunidade sira faan sira nia produtu tasi sira, tanba iha ne’e turista mai vizita fatin ne’e barak.
“Ami nia produtu sira ne’e lori ba Dili ne’e ema sosa, maibé iha ne’e ami faan lori ami nia tasi kualidade la folin ida. Tanba ne’e,ha’u nia esperansa ba iha governu foun mai ne’e, kria netik merkadu di’ak ba ami iha ne’e, atu ami bele faan ami produtu loro-loron, tanba iha ne’e turista sira mai hela deit maibé produtu sira ne’e ema la hola tanba faan deit iha uma, tanba ne’e governu foun mai presiza kria merkadu ne’ebé di’ak para ami bele faan ami nia produtu iha ne’e,” nia eperansa.
Nune’e mós Komunidade husi Suku Tirilolo, Postu Iliomar, Munisipiu Lautem, Ilda da Costa, hateten, tinan ida ne’e Partidu Politikus sira hala’o hela kampaña, no partidu ne’ebé maka kaer governu hotu-hotu hanesan deit, maibé governu foun mai tenke haree mos kria merkadu tais nia iha Lautem, atu nune’e feto maluk sira iha area rurál ne’e, bele lori sira nia produtu tasi sira ne’e ba iha merkadu, tanba durante komunidade sira faan sira nia produtu tasi ne’e iha uma deit.
Tanba ne’e governu foun mai, tenke haree feto maluk sira ne’ebé maka iha area rural, atu nune’e komunidade iha area rurál sira bele faan nia produtu tais sira ba iha merkadu lokál, nasionál ka internasionál. Durante ne’e, komunidade iha ne’e haruka nia tasi ba iha Dili maka foin faan, tanba faan iha ne’e laiha merkadu di’ak atu komunidade sira faan sira nia produtu tasi sira ne’e.
“Ami atu faan ami nia tasi ne’e susar tebes, tanba laiha merkadu di’ak ida iha ne’e, ami atu faan ami nia tais laiha. Tanba ne’e ami nia esperansa ba governu foun mai, oinsa bele kria merkadu di’ak ida ba komunidade sira area rurál iha ne’e, atu nune’e sira bele faan sira nia produtu,” nia esperansa ba governu foun.
